ന്യൂയോര്ക്ക്: നടന് ഋതിക് റോഷനോടു കടുത്ത ആരാധന പ്രകടിപ്പിച്ചിരുന്ന ഭാര്യയെ കുത്തിക്കൊന്ന ശേഷം യുവാവ് ജീവനൊടുക്കി. ദിനേശ്വര് ബുധിദത്ത് എന്ന മുപ്പത്തിമൂന്നുകാരനാണ് ഭാര്യ ഡോണെ ഡോജോയി(27)യെ കൊലപ്പെടുത്തിയ ശേഷം ജീവനൊടുക്കിയത്.ന്യുയോര്ക്കിലാണ് സംഭവം.താന് ഭാര്യയെ കൊലപ്പെടുത്തിയെന്നും ഫ്ളാറ്റിന്റെ താക്കോല് പൂച്ചട്ടിക്കടിയില് വെച്ചിട്ടുണ്ടെന്നും ഇയാള് ഭാര്യയുടെ സഹോദരിക്ക് ഫോണില് സന്ദേശമയക്കുകയായിരുന്നുവെന്ന് പോലീസ് പറഞ്ഞു. തുടര്ന്ന് ഭാര്യയുടെ മ!ൃതദേഹത്തിനു സമീപം തന്നെ തൂങ്ങി മരിക്കുകയായിരുന്നു.
ജൂലൈയിലാണ് ഇവര് വിവാഹിതരായത്.
ഋതിക് റോഷനോടു കടുത്ത ആരാധനയായിരുന്നു ഡോണെക്ക്. ഋതിക് റോഷന് അഭിനയിക്കുന്ന സിനിമയോ ഗാനമോ ഭാര്യ കാണുന്നതില് അസൂയാലുവായിരുന്ന ഇയാള് ടിവി ഓഫ് ചെയ്യാന് ആവശ്യപ്പെടുമായിരുന്നു.വിവാഹത്തിനു രണ്ടാഴ്ചക്കു ശേ
ഷം ഇയാള് ഭാര്യയെ കയ്യേറ്റം ചെയ്തിരുന്നു. ഭാര്യയെ മര്ദിച്ചതിന് ഓഗസ്റ്റില് ഇയാള്ക്കെതിരെ കേസെടുത്ത് അറസ്റ്റു ചെയ്യുകയും തുടര്ന്ന് ഡോണെക്ക് കോടതി സംരക്ഷണം അനുവദിക്കുകയും ചെയ്തിരുന്നു.
ഇയാള് തുടര്ച്ചയായി മര്ദിക്കുകയും കൊല്ലുമെന്നു ഭീഷണിപ്പെടുത്തുകയും ചെയ്യുന്നതായി സുഹൃത്തുകളോട് ഡോണെ പറഞ്ഞിരുന്നു.
ഇയാളുടെ പെരുമാറ്റത്തില് മാറ്റമുണ്ടാകാത്തതിനെ തുടര്ന്ന് മാറിതാമസിക്കാന് ഡോണെ തയാറെടുത്തെങ്കിലും നിര്ബന്ധത്തിനു വഴങ്ങി അവിടെ തുടരുകയായിരുന്നു.