ഛണ്ഡിഗഢ്: ഡല്ഹി വായൂമലിനീകരണം രൂക്ഷമാക്കുന്നതിനിടെ പഞ്ചാബില് വൈക്കോല് കത്തിക്കുന്നത് തുടരുന്നു. ജലന്ധറില് നാകോഡാര്-ഫിലാപൂര് ദേശീയപാതക്ക് സമീപത്തുള്ള കൃഷിയിടത്തിലാണ് വൈക്കോല് തീയിട്ട് കത്തിച്ചത്.
അതേസമയം, വൈക്കോല് കത്തിക്കുകയല്ലാതെ തങ്ങള്ക്ക് മറ്റ് മാര്ഗങ്ങളില്ലെന്നാണ് കര്ഷകര് പറയുന്നത് . കൃഷിയിടങ്ങളിലെ വൈക്കോല് നീക്കം ചെയ്യാന് സര്ക്കാര് ഒരു സൗകര്യവും നല്കുന്നില്ല. ഇതിനായി യാതൊരു ഉപകരണവും തങ്ങളുടെ കൈവശമില്ലെന്നും കര്ഷകന് വ്യക്തമാക്കി.
പഞ്ചാബ് , ഹരിയാന, ഉത്തര്പ്രദേശ് തുടങ്ങിയ സംസ്ഥാനങ്ങളില് വൈക്കോല് കത്തിക്കുന്നതാണ് ഡല്ഹിയിലെ വായൂമലിനീകരണത്തിനുള്ള പ്രധാനകാരണമെന്നാണ് ആരോപണം.