തിരുവനന്തപുരം:ശബരിമല യുവതീ പ്രവേശത്തില് സര്ക്കാരിന് വേണ്ടി പലതും നെഞ്ചില് ഏറ്റുവാങ്ങിയിട്ടുണ്ടെന്ന് തിരുവിതാംകൂര് ദേവസ്വം ബോര്ഡ് പ്രസിഡന്റ് എ പദ്മകുമാര്. അത് കര്ത്തവ്യമായിരുന്നു എന്നും എ പദ്മകുമാര് പറഞ്ഞു. രക്ത ചൊരിച്ചില് ഉണ്ടാകരുതെന്ന് ആഗ്രഹിച്ചിരുന്നു. അതുകൊണ്ടാണ് പല പ്രശ്നങ്ങളും സ്വയം ഏറ്റെടുക്കേണ്ടിവന്നതെന്നും എ പദ്മകുമാര് പ്രതികരിച്ചു.
വിശ്വാസികള്ക്ക് ഒപ്പമാണ് സര്ക്കാര്. അല്ലാതെ അമ്ബലം വിഴുങ്ങികള്ക്ക് ഒപ്പമല്ല. ദേവസ്വം ബോര്ഡിന് വേണ്ടി കോടികള് വകയിരുത്തിയ സര്ക്കാരാണ് പിണറായി വിജയന് സര്ക്കാരെന്നും പദ്മകുമാര് പറഞ്ഞു, എകെ ഗോപാലന്റെ പേര് ഓര്മ്മിപ്പിക്കാന് അമ്ബലപ്പുഴ പാല്പായത്തിന്റെ പേര് മാറ്റേണ്ട കാര്യമില്ല . പ്രയാര് ഗോപാലകൃഷ്ണന്റെ പേര് ഓര്ക്കാനാണ് ഗോപാല കഷായം എന്ന് പേര് മാറ്റിയതെന്ന് ആക്ഷേപം ഉന്നയിക്കുന്ന കോണ്ഗ്രസുകാര് പറയാത്തത് എന്തുകൊണ്ടാണെന്നും എ പദ്മകുമാര് പരിഹസിച്ചു