ന്യൂഡല്‍ഹി: ടീം ഇന്ത്യയുടെ ടെസ്റ്റ് സ്‌ക്വാഡിന്റെ വൈസ് ക്യാപ്റ്റന്‍ അജിങ്ക്യ രഹാനെ പെണ്‍കുഞ്ഞിന്റെ അച്ഛനായി. ശനിയാഴ്ചയാണ് രഹാനെയുടെ ഭാര്യ രാധിക ഒരു പെണ്‍കുഞ്ഞിന് ജന്മം നല്‍കിയത്. ഈ സന്തോഷം പങ്കുവെയ്ക്കാന്‍ രഹാനെ ഭാര്യയ്ക്ക് അരികിലില്ലെങ്കിലും ആരാധകരോട് സന്തോഷം പങ്കുവെയ്ക്കാന്‍ താരം മടിച്ചില്ല.

വിശാഖപട്ടണത്ത് ദക്ഷിണാഫ്രിക്കയ്ക്കെതിരായ ടെസ്റ്റ് മത്സരം കളിക്കുകയാണ് രഹാനെ. ബാല്യകാല സുഹൃത്തായ രാധികയെ 2014-ലാണ് രഹാനെ ജീവിതത്തിലേക്ക് ക്ഷണിച്ചത്.

പെണ്‍കുഞ്ഞ് ജനിച്ചതോടെ എംഎസ് ധോണി, ഹര്‍ഭജന്‍ സിങ്, സുരേഷ് റെയ്ന, രോഹിത് ശര്‍മ്മ, ഹനുമ വിഹാരി എന്നിവര്‍ക്കൊപ്പം രഹാനെയും ഇന്ത്യന്‍ ടീമിലെ പെണ്‍കുഞ്ഞിന്റെ അച്ഛന്‍ ക്ലബ്ബില്‍ ഇടംപിടിച്ചിരിക്കുകയാണ്.