രാജ്യത്ത് ഗോഡ്സെ ക്ഷേത്രങ്ങള് വ്യാപകം; തടയാന് നിയമം വേണമെന്ന് എ.കെ. ആന്റണി
Published on 02 October, 2019
തിരുവനന്തപുരം: രാജ്യത്ത് പലയിടത്തും ഗോഡ്സെ ക്ഷേത്രങ്ങള് വ്യാപകമാകുന്നുവെന്ന് കോണ്ഗ്രസ് പ്രവര്ത്തക സമിതിയംഗം നേതാവ് എ.കെ. ആന്റണി. ഗോഡ്സെ ക്ഷേത്രങ്ങള് ഉണ്ടാക്കുന്നവരെ തടയാന് നിയമനിര്മാണം നടത്തണം. കേന്ദ്രസര്ക്കാര് പ്രചരിപ്പിക്കുന്നത് ഗോഡ്സെയുടെ ആദര്ശങ്ങളാണെന്നും ആന്റണി പറഞ്ഞു.
ഗാന്ധിയുടെ ഇന്ത്യ ഇന്ന് എവിടെയാണ് നില്ക്കുന്നത്. ഭിന്നിപ്പിച്ച് ഭരിക്കുക എന്ന ബ്രിട്ടീഷുകാരുടെ തന്ത്രം തന്നെ രാജ്യത്തെ ഭരണാധികാരികളും നടപ്പാക്കുന്നു. രാജ്യം ഭരിക്കുന്നവര് എല്ലാ രംഗത്തും പരാജയപ്പെട്ടു. ഇന്ത്യയെ അടിച്ചമര്ത്തി ഒന്നാക്കാന് ശ്രമിക്കുന്നു. ബഹുസ്വരതയും മതേതരത്വവും തകര്ത്താല് രാജ്യം തകരുമെന്നും ആന്റണി ചൂണ്ടിക്കാട്ടി.
രാഷ്ട്രപിതാവ് മഹാത്മ ഗാന്ധിയുടെ 150ാം ജന്മവാര്ഷികത്തോട് അനുബന്ധിച്ച് തിരുവനന്തപുരത്ത് കെ.പി.സി.സി സംഘടിപ്പിച്ച പദയാത്രയില് സംസാരിക്കുകയായിരുന്നു അദ്ദേഹം. യൂണിവേഴ്സിറ്റി സ്റ്റേഡിയത്തിന് മുന്നിലെ സുഭാഷ് ചന്ദ്രബോസിന്റെ പ്രതിമക്ക് മുന്നില് നിന്ന് ആരംഭിച്ച പദയാത്ര ഗാന്ധിപാര്ക്കില് സമാപിച്ചു. എ.കെ.ആന്റണി പദയാത്രക്ക് നേതൃത്വം നല്കി.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല