ലഖ്നോ: ഉത്തര്പ്രദേശിലെ ഗ്രേറ്റര് നോയിഡയില് ഗായിക വെടിയേറ്റ് മരിച്ചു. സുഷമ(25) ആണ് ബൈക്കിലെത്തിയ അജ്ഞാതരുടെ വെടിയേറ്റ് മരിച്ചത്. പരിക്കുകളോടെ കെലേഷ് ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല.
ഭര്ത്താവില് നിന്ന് വിവാഹ മോചനം നേടിയ സുഷമ ഇപ്പോള് മറ്റൊരാളോടൊപ്പമാണ് താമസമെന്ന് പൊലീസ് പറഞ്ഞു. മുമ്ബും സുഷമക്ക് നേരെ ആക്രമണങ്ങളുണ്ടായിട്ടുണ്ടെന്ന് സീനിയര് പൊലീസ് സുപ്രണ്ട് വൈഭവ് കൃഷ്ണ പറഞ്ഞു. ബുലന്ദ്ശഹറിലെ മെഹ്സാന ഗ്രാമത്തിലെ പരിപാടിക്കിടെയായിരുന്നു മുമ്ബുണ്ടായ ആക്രമണം. ലോക്കല് പൊലീസ് ഇതില് കേസ് രജിസ്റ്റര് ചെയ്തിട്ടുണ്ടെന്നും അദ്ദേഹം വ്യക്തമാക്കി.