കിടക്കയില് ചാര്ജ് ചെയ്യാന് വെച്ച ഫോണ് പൊട്ടിത്തെറിച്ച് പെണ്കുട്ടി മരിച്ചു
Published on 01 October, 2019
അള്മാട്ടി: കിടക്കയില് ചാര്ജ് ചെയ്യാന് വെച്ച മൊബൈല് ഫോണ് പൊട്ടിത്തെറിച്ച് പതിനാലുകാരി മരിച്ചു. കസഖ്സ്താനിലെ ബാസ്റ്റോബിലാണ് സംഭവം. അല്വ അസെറ്റ്സി അബ്സാല്ബെക് എന്ന സ്കൂള് വിദ്യാര്ഥിയാണ് മരിച്ചത്.
ചാര്ജ് ചെയ്യാന് മൊബൈല് ഫോണ് സോക്കറ്റില് കണക്റ്റ് ചെയ്ത് അത് തലയിണക്കരികില് വെച്ച് കിടന്നുറങ്ങുകയായിരുന്നു. ഫോണില് പാട്ട് വെച്ചിരുന്നതുകൊണ്ടാണ് അല്വ അത് കിടക്കയില് തന്നെ വെച്ചത്. എന്നാല് പുലര്ച്ചയോടെ അമിതമായി ചൂടായ ഫോണ് പൊട്ടിത്തെറിക്കുകയും തലക്ക് മാരകമായി പരിക്കേറ്റ് പെണ്കുട്ടി മരിക്കുകയുമായിരുന്നു.
മൊബൈല് പൊട്ടിത്തെറിച്ചാണ് മരണം സംഭവിച്ചതെന്ന് ഫോറന്സിക് അധികൃതര് ഔദ്യോഗികമായി അറിയിച്ചു. ഏത് കമ്പനിയുടെ ഫോണാണെന്ന് അധികൃതര് വ്യക്തമാക്കിയിട്ടില്ല.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല