കോഴിക്കോട്: ഉത്സവകാലം പലപ്പോഴും ബിവറേജസ് ഔട്ട്ലറ്റുകള്ക്കും ഉത്സവമാവാറുണ്ട്. ഇത്തവണയും ആ പതിവ് മലയാളികള് തെറ്റിച്ചില്ല. ഓണക്കാലത്ത് എട്ട് ദിവസത്തേക്ക് മാത്രം മലയാളി മദ്യത്തിന് വേണ്ടിചെലവഴിച്ചത് 487 കോടി രൂപയാണ്.
കഴിഞ്ഞ ഓണക്കാലത്ത് 457 കോടിയുടെ മദ്യമായിരുന്നു വിറ്റുപോയത്. 30കോടി രൂപയുടെ അധിക മദ്യം മലയാളികള് ഇത്തവണ അകത്താക്കിയിട്ടുണ്ട്. ഉത്രാട ദിനത്തില് മാത്രം 90.32 കോടി രുപയുടെ മദ്യമാണ് വിറ്റുപോയത്.
ഉത്രാട ദിനത്തിലെ മദ്യവില്പനയില് ഇത്തവണയും ഇരിങ്ങാലക്കുട ബിവറേജസ് ഔട്ട്ലറ്റ് തന്നെയാണ് മുന്പന്തിയില്. അതേസമയം കഴിഞ്ഞ വര്ഷത്തെ വില്പനയുമായി താരതമ്യം ചെയ്യുമ്ബോള് 21,56000രൂപയുടെ കുറവ് വന്നിട്ടുണ്ട്. കഴിഞ്ഞ തവണ ഒരു കോടി 22ലക്ഷം രൂപയുടെ മദ്യം വിറ്റപ്പോള് ഇത്തവണ അത് ഒരു കോടി 44000 ആയി കുറഞ്ഞിട്ടുണ്ട്.
കഴിഞ്ഞ പ്രളയകാലത്ത് 60ഓളം ബിവറേജസ് ഔട്ട്ലറ്റുകള് വെള്ളം കയറിയതിനെ തുടര്ന്ന് അടച്ചിട്ടതിനാല് വില്പനയില് ചെറിയ ഇടിവ് സംഭവിച്ചിരുന്നു.