കൊച്ചി: തീവ്രവാദ ബന്ധം സംശയിച്ച് പോലീസ് ശനിയാഴ്ച കസ്റ്റഡിയിലെടുത്ത കൊടുങ്ങല്ലൂര് സ്വദേശി റഹീം അബ്ദുള് ഖാദറിനേയും സുല്ത്താന് ബത്തേരി സ്വദേശിനിയായ യുവതിയേയും വിട്ടയച്ചു. ഇവര് നിരപരാധികളാണെന്ന് വ്യക്തമായതിനെ തുടര്ന്നാണിത്.
ഇന്നലെ മുതല് ഞായറാഴ്ച വൈകീട്ട് ഏഴുവരെ എന്.ഐ.എ അടക്കമുള്ള അന്വേഷണ ഏജന്സികള് യുവാവിനെ ചോദ്യം ചെയ്തു. എന്നാല്, ഇവര്ക്ക് ഏതെങ്കിലും തരത്തിലുള്ള തീവ്രവാദ ബന്ധമുണ്ടെന്ന് കണ്ടെത്താന് അന്വേഷണ ഏജന്സികള്ക്ക് കഴിഞ്ഞിട്ടില്ല. ഇതേത്തുടര്ന്നാണ് വിട്ടയച്ചത്.
ലഷ്കര് ബന്ധമുണ്ടെന്ന സംശയത്തെ തുടര്ന്നാണ് കോടതിയില് ഹാജരാകാനെത്തിയ യുവാവിനെ കഴിഞ്ഞ ദിവസം കസ്റ്റഡിയിലെടുത്തത്. 24 മണിക്കൂറോളം കസ്റ്റഡിയില്വച്ച് ചോദ്യം ചെയ്തു.