ന്യൂഡല്ഹി: ഇന്ത്യന് അതിര്ത്തിയില് പാക് പ്രകോപനം തുടരുന്നു. ലഡാക്കിനു സമീപം പാക്കിസ്ഥാന് പോര്വിമാനങ്ങള് വിന്യസിച്ചു. ജമ്മു കാഷ്മീരിനു പ്രത്യേക പദവി നല്കിയിരുന്ന ആര്ട്ടിക്കിള് 370 ഇന്ത്യ റദ്ദാക്കിയതിനു പിന്നാലെയാണ് പാക് പ്രകോപനം.
മൂന്ന് സി-130 ചരക്ക് വിമാനങ്ങള് ഉപയോഗിച്ച് ശനിയാഴ്ച പാക്കിസ്ഥാന് സ്കര്ഡു എയര്ബേയ്സിലേക്കു ഉപകരണങ്ങള് എത്തിച്ചിരുന്നു. യുദ്ധവിമാനങ്ങള്ക്ക് ആവശ്യമായ ഉപകരണങ്ങളാണ് എയര്ബേയ്സില് എത്തിച്ചിരിക്കുന്നതെന്നാണ് വിവരം.
അതിര്ത്തിയിലെ സ്ഥിതിഗതികള് സൂക്ഷ്മമായി നിരീക്ഷിച്ചു വരികയാണെന്ന് ഇന്ത്യ വ്യക്തമാക്കി. പാക്കിസ്ഥാന് ജെഎഫ്-17 യുദ്ധവിമാനങ്ങളാണ് അതിര്ത്തിക്കു സമീപത്ത് വിന്യസിച്ചതെന്നാണ് വിവരം.