തെലങ്കാനയില് മാവോയിസ്റ്റുകള് ടിആര്എസ് നേതാവിനെ തട്ടിക്കൊണ്ടുപോയി വധിച്ചു. പോലീസിന് മാവോയിസ്റ്റുകളെക്കുറിച്ചുള്ള വിവരങ്ങള് ചോര്ത്തി നല്കി എന്ന് ആരോപിച്ചാണ് മാവോവാദികളുടെ ഈ കൊടും ക്രൂരത. മൂന്ന് ദിവസം മുമ്പാണ് ടിആര്എസ് പ്രാദേശിക നേതാവായ എന് നാഗേശ്വര റാവുവിനെ മാവോവാദികള് തട്ടിക്കൊണ്ടു പോയത്. കുത്തൂര് ഗ്രാമത്തിലെ വീട്ടില് അതിക്രമിച്ച് കയറിയാണ് ഇയാളെ മാവോവാദികള് ബലമായി പിടിച്ചുകൊണ്ടു പോയത്. ഇദ്ദേഹത്തിനായി ബസ്തര് മേഖലയില് തിരച്ചില് നടത്തിയെങ്കിലും കണ്ടെത്താനായില്ല.