മുംബൈ: കഴിഞ്ഞ മാസം ആഭ്യന്തര വിപണിയില്‍ വാഹനവില്‌പന കുത്തനെ ഇടിഞ്ഞു. ജൂണില്‍ അവസാനിച്ച മൂന്ന്‌ മാസത്തെ വില്‌പനയില്‍ 12 ശതമാനത്തിന്റെ കുറവ്‌ രേഖപ്പെടുത്തി.

ചെലവ്‌ കുറയ്‌ക്കുന്നതിന്റെ ഭാഗമായി പല കമ്‌ബനികളും ജീവനക്കാരെ പിരിച്ചുവിടുന്നത്‌ ഉള്‍പ്പടെയുള്ള നടപടികളിലേക്ക്‌ കടക്കുകയാണെന്നാണ്‌ വിവരം. 2008-09 കാലഘട്ടത്തിന്‌ ശേഷം രേഖപ്പെടുത്തിയ ഏറ്റവും വലിയ ഇടിവാണ്‌ ഇത്‌. 17 ശതമാനമായിരുന്നു അന്ന്‌ വില്‌പന ഇടിഞ്ഞത്‌.

യാത്രവാഹനങ്ങളുടെ വില്‌പന മുന്‍ വര്‍ഷം ജൂണിലെ 2,73,748 യൂണിറ്റുകളില്‍ നിന്ന്‌ 17.54 ശതമാനം കുറഞ്ഞ്‌ 2,25,732 യൂണിറ്റുകളായി. ഇരു ചക്രവാഹനങ്ങളുടെ വില്‌പന 18,67,884 യൂണിറ്റുകളില്‍ നിന്ന്‌ 11.69 ശതമാനം കുറഞ്ഞ്‌ 16,49,477 യൂണിറ്റുകളായി.