ശബരിമല: വിഷു ഉത്സവത്തിനായി ശബരിമല ക്ഷേത്രം ചൊവ്വഴ്ച തുറക്കും. വൈകുന്നേരം
5.30ന് തുറന്ന് 18-ന് രാത്രി പത്തിന് അടയ്ക്കും. 14-നാണ് മേടവിഷു. അന്നു
രാവിലെ നടതുറന്ന് കണി കാണിയ്ക്കും. തുടര്ന്ന് ഭക്തജനങ്ങള്ക്ക് വിഷുക്കണി
ദര്ശനത്തിന് അവസരം ഒരുക്കും. 11 മുതല് 18 വരെ പതിവു പൂജകളായ ഗണപതിഹോമം, ഉഷപൂജ,
ഉച്ചപൂജ, അത്താഴപൂജ എന്നിവയ്ക്ക് പുറമേ വിശേഷാല് പൂജകളായ ഉദയാസ്തമനപൂജയും
പടിപൂജയും ഉണ്ടായിരിക്കും. ഈ ദിവസങ്ങളില് നെയ്യഭിഷേകവും നടത്താം. ശബരിമല
തന്ത്രിയും ശബരിമല, മാളികപ്പുറം, പമ്പ എന്നീ ക്ഷേത്രങ്ങളിലെ മേല്ശാന്തിമാരും
ഭക്തജനങ്ങള്ക്ക് വിഷുക്കൈനീട്ടമായി നാണയത്തുട്ടുകള് നല്കും.