ചിക്കാഗോ: പ്രഥമ പ്രവാസി ക്‌നാനായ കത്തോലിക്കാ ഇടവകയായ സേക്രട്ട് ഹാര്‍ട്ട് ക്‌നാനായ ഇടവകയില്‍ പിതൃദിനം വിപുലമായ പരിപാടികളോടെ ആഘോഷിച്ചു. ഇടവകയിലെ വിമന്‍സ് മിനിസ്ട്രി പരിപാടികള്‍ക്ക് നേതൃത്വം നല്‍കി. കുമരകം വെള്ളാപ്പെള്ളി ഇടവക വികാരി ഫാ. സാബു മാലിത്തുരുത്തേല്‍ പിതൃദിനസന്ദേശം നല്‍കി. വിമന്‍സ് മിനിസ്ട്രി കോര്‍ഡിനേറ്റര്‍ ഡെന്നി പുല്ലാപ്പള്ളില്‍ എം.സി.യായിരുന്നു. ജെസ്സിക്ക പുല്ലാപ്പള്ളില്‍, ജെന്‍സി നടുവീട്ടില്‍, ജെസ്‌ന ഇലവുങ്കല്‍, ബ്രയാന ജോര്‍ജ് പുല്ലാപ്പള്ളില്‍ എന്നിവര്‍ പ്രസംഗിച്ചു. എല്ലാ പിതാക്കന്മാര്‍ക്കും മിനിസ്ട്രി വക സമ്മാനങ്ങള്‍ ഫാ. സാബു മാലിത്തുരുത്തേല്‍ സമ്മാനിച്ചു. സ്‌നേഹവിരുന്നോടെ പരിപാടികള്‍ സമാപിച്ചു.