കൊച്ചി: കേരളത്തിലെ ഫുട്ബോളിന്റെ വികസനത്തിനായി ആലപ്പുഴയിലും അരീക്കോട്ടും അന്താരാഷ്ട്ര നിലവാരമുള്ള സ്റ്റേഡിയങ്ങള് നിര്മ്മിക്കുമെന്ന് കായികമന്ത്രി കെ.ബി.ഗണേഷ്കുമാര്. അരീക്കോട്ടെ സ്റ്റേഡിയം 2013-ല് പൂര്ത്തിയാക്കും. കൊച്ചിയിലെ അംബേദ്ക്കര് സ്റ്റേഡിയം അന്താരാഷ്ട്ര നിലവാരത്തില് നവീകരിക്കും. കൊച്ചി പനമ്പള്ളി നഗറില് ഫുട്ബോള് സ്കൂള് സ്ഥാപിക്കും. സ്പെയിനിലെ റയല് മാഡ്രിഡ് ക്ലബിന്റെ വിദഗ്ധര് കേരളത്തിലെ കുട്ടികള്ക്ക് പരിശീലനം നല്കുമെന്നും കെ.ബി.ഗണേഷ്കുമാര് പറഞ്ഞു.