റോം: ഇറ്റലിയില് തൊഴില് നിയമങ്ങള് പരിഷ്കരിക്കുന്നതു സംബന്ധിച്ച് യൂണിയന്
നേതാക്കളുമായി പ്രധാനമന്ത്രി മരിയോ മോണ്ടി ചര്ച്ചകള് ആരംഭിച്ചു. സമ്പദ്
വ്യവസ്ഥയെ കരകയറ്റുന്നതിനുള്ള നടപടികളുടെ ഭാഗമാണിത്.
വന്കിട
കമ്പനികളില്നിന്നു ജീവനക്കാരെ പിരിച്ചുവിടുന്നതിനെതിരായ നിയമം
പിന്വലിക്കണമെന്നതാണ് മോണ്ടിയുടെ പ്രധാന ആവശ്യങ്ങളിലൊന്ന്. എന്നാല്,
യൂണിയനുകള് ഈ നിയമം നിലനിര്ത്തണമെന്നു ശക്തമായി
ആവശ്യപ്പെടുന്നു.
തൊഴിലാളികളെ സ്ഥിരമായി ഹയര് ചെയ്യുന്ന
തൊഴില്ദാതാക്കള്ക്ക് ഇന്സന്റീവ് ഏര്പ്പെടുത്തിയതു പിന്വലിക്കുന്നതും
സര്ക്കാരിന്റെ പരിഗണനയിലുണ്ട്.