ഡല്ഹിയില് സമരം ചെയ്ത നഴ്സുമാര്ക്ക് ഇടയിലേക്ക് കാറോടിച്ച് കയറ്റി: മലയാളി നഴ്സിന് പരിക്ക്
Published on 20 March, 2012
ന്യൂഡല്ഹി: ഡല്ഹിയില് സമരം ചെയ്ത
നഴ്സുമാരുടെ ഇടയിലേക്ക് ആശുപത്രി മാനേജ്മെന്റ് പ്രതിനിധി കാറോടിച്ച്
കയറ്റി. ഡല്ഹി അശോക് വിഹാറിലെ സുന്ദര്ലാല് ജയിന് ആശുപത്രിയിലാണ് സംഭവം.
സമരത്തില് പങ്കെടുത്തിരുന്ന ചെങ്ങന്നൂര് സ്വദേശിനിയായ സുനി എന്ന
നഴ്സിനാണ് പരിക്കേറ്റത്.
സുനിക്ക് പ്രാഥമിക ചികിത്സ നല്കാന് പോലും ആശുപത്രി അധികൃതര്
വിസമ്മതിച്ചെങ്കിലും നഴ്സുമാരുടെ ശക്തമായ പ്രതിഷേധത്തിനൊടുവില് ചികിത്സ
നല്കുകയായിരുന്നു. സുനിയുടെ കാലിനാണ് പരിക്കേറ്റത്. പരിക്ക് ഗുരുതരമല്ല.
മാനേജിംഗ് ഡയറക്ടറുടെ ബന്ധുവായ മനീഷ് ആണ് കാറോടിച്ചതെന്ന് നഴ്സുമാര്
പറഞ്ഞു. സേവന വേതന വ്യവസ്ഥകള് പുതുക്കണമെന്ന് ആവശ്യപ്പെട്ട് ഇന്നലെ
മുതലാണ് നഴ്സുമാര് ഇവിടെ സമരം ആരംഭിച്ചത്. ഇരുന്നൂറോളം നഴ്സുമാരാണ്
ആശുപത്രിക്ക് മുന്നില് സമരം നടത്തുന്നത്.
നേരത്തെ കൊച്ചിയില് ലേക്ഷോര് ആശുപത്രിയിലും സമാന സംഭവമുണ്ടായിരുന്നു.
സമരം ചെയ്തിരുന്ന നഴ്സുമാര്ക്ക് ഇടയിലേക്ക് ആശുപത്രിയിലെ ഡോക്ടര്
കാറോടിച്ച് കയറ്റുകയായിരുന്നു. മദ്യലഹരിയിലായിരുന്നു ഡോക്ടറെന്നും
നഴ്സുമാര് ആരോപിച്ചിരുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല