മോഹിനിയാട്ടത്തിന്റെ സൂര്യ തേജസില്‍ ഡോ. സുനന്ദ നായര്‍ക്ക് കലാമണ്ഡലം പുരസ്‍കാരം

തന്റെ ജീവിതം തന്നെ മോഹിനിയാട്ടം എന്ന നൃത്ത ശാഖയ്ക്ക് സമർപ്പിച്ച കലാകാരിയായ ഡോ:സുനന്ദ  നായർക്കു കലാമണ്ഡലം പുരസ്കാരം .ഇനിമുതൽ സുനന്ദ നായർ "കലാരത്നം"സുനന്ദാ നായർ ആയി അറിയപ്പെടും .കല്പ്പിത സർവ്വകലാശാല ആയ കലാമണ്ഡലത്തിന്റെ പുരസ്കാരം ഇന്ത്യയിലെ കലാകാരന്മാർക്ക് ലഭിക്കുന്ന വലിയ അംഗീകാരമാണ്. അമേരിക്കൻ മലയാളികൾക്കിടയിൽ അറിയപ്പെടുന്ന നർത്തകിമാരെ തേടിയെത്തുന്ന ആദ്യത്തെ പുരസ്‌കാരം കൂടിയാണിത് .

കഴിഞ്ഞ വര്‍ഷങ്ങളില്‍ കേരളത്തിലെ നൃത്തവേദികളുടെ നിറസാന്നിധ്യം കൂടിയാണ് സുനന്ദ നായര്‍ . ഇന്ത്യയിലെയും വിദേശത്തെയും കലാകാരന്മാരെയും,കലാകാരികളെയും ഒരു വേദിയില്‍ അണിനിരത്തുന്ന കേരളത്തിലെ കല ക്ഷേത്രം എന്ന് വിശേഷിപ്പിക്കുന്ന സൂര്യയുടെ നൃത്തവേദികള്‍,സൂര്യയുടെ തന്നെ മോഹിനിയാട്ടം പരിശീലന കളരിയുടെ സാരഥ്യം തുടങ്ങി നിരവധി അവസരങ്ങള്‍ ആണ് ഡോ:സുനന്ദാ നായരെ തേടി വന്നിട്ടുള്ളത് .കേരളാ കലാമണ്ഡലം ഏര്‍പ്പെടുത്തുന്ന കലാരത്‌നം പുരസ്‌കാരം ഡോ:സുനന്ദാ നായര്‍ക്ക് മാത്രമല്ല അമേരിക്കന്‍ മലയാളികള്‍ക്ക് കൂടി ലഭിക്കുന്ന അംഗീകാരമാണ് .ഈ പുരസ്‌കാര ലബ്ധിയില്‍ അതിയായി സന്തോഷിക്കുന്നതായും എല്ലാം ഈശ്വര നിയോഗമാണെന്നും ഡോ:സുനന്ദാ നായര്‍ E മലയാളിയോട് പറഞ്ഞു .

മോഹിനിയാട്ടത്തിനു സമഗ്ര സംഭാവനകള്‍ നല്‍കിയ നര്‍ത്തകി എന്ന നിലയിലാണ് ഡോ:സുനന്ദ നായര്‍ക്ക് ഈ അസുലഭ അവസരം ലഭിക്കുന്നത്.മോഹിയാട്ടത്തിനായി ലോകത്തിന്റെ പല ഭാഗങ്ങളിലും മോഹിനിയാട്ടം അവതരിപ്പിച്ചിട്ടുള്ള സുനന്ദാ നായര്‍   മോഹിനിയാട്ടത്തില്‍ മുംബെ സര്‍വ്വകലാശാലയില്‍ നിന്നും ബിരുദവും ബിരുദാനന്തരബിരുദവും നേടിയിട്ടുണ്ട്. ജനിച്ചതും വളര്‍ന്നതും മുംബെയിലാണെങ്കിലും അവരുടെ മാതാപിതാക്കള്‍ കലയെ സ്‌നേഹിക്കുന്ന ഏറനാടന്‍ മലയാളികളാണ്.

തൊണ്ണൂറുകളുടെ മദ്ധ്യത്തോടെ അമേരിക്കയിലെ ഹുസ്റ്റണിലേക്കു വിവാഹാനന്തരം കുടിയേറിയ സുനന്ദ നായര്‍ മോഹിനിയാട്ടത്തിന്റെ അന്തര്‍ദേശീയ അമ്പാസിഡറായി അറിയപ്പെടുന്നു. ഹ്യൂസ്റ്റനില്‍ നൂറു കണക്കിന് കുട്ടികള്‍ക്ക് മോഹിനിയാട്ടത്തിലും ഇതര നൃത്ത രൂപങ്ങള്‍ക്കും സുനന്ദാ നായര്‍ പരിശീലനം നല്കുന്നുണ്ട് .മോഹിനിയാട്ടമുള്‍പ്പെടെയുള്ള നൃത്തരംഗങ്ങള്‍ക്കു നല്‍കിയ സമഗ്ര സംഭാവനകളെ മാനിച്ച് കേരള സംഗീതനാടക അക്കാദമി പുരസ്‌ക്കാരം നല്‍കി ആദരിച്ചിട്ടുണ്ട്.

ഇന്‍ഡ്യന്‍ കൗണ്‍സില്‍ ഓഫ് റിലേഷന്‍സിന്റെ എംപേനല്‍ഡ് ആര്‍ട്ടിസ്റ്റും നാഷണല്‍ ടിവിയിലെ എ ഗ്രഡ് ആര്‍ട്ടിസ്റ്റുമാണ് സുനന്ദ. നിരവധി ദേശീയ അന്തര്‍ദേശീയ അംഗീകാരങ്ങള്‍ സുനന്ദയ്ക്കു ലഭിച്ചിട്ടുണ്ട്.അഭിനയ ശിരോമണി പുരസ്‌ക്കാരം,കലാ സാഗര്‍ അവാര്‍ഡ്,ഗ്‌ളോബല്‍ ഇന്‍ഡ്യന്‍ എക്‌സലന്‍സ് അവാര്‍ഡ്,കേരള സംഗീതനാടക അക്കാദമി പുരസ്‌ക്കാരം,തുടങ്ങി നിരവധി പുരസ്‌കാരങ്ങള്‍ ലഭിച്ചിട്ടുണ്ട്

ഇന്‍ഡ്യന്‍ കൗണ്‍സില്‍ ഓഫ് റിലേഷന്‍സിന്റെ എംപേനല്‍ഡ് ആര്‍ട്ടിസ്‌റ് കൂടിയായ സുനന്ദ നാഷണല്‍ ടിവിയിലെ എ ഗ്രഡ് ആര്‍ട്ടിസ്റ്റുകൂടിയാണ് .ഇന്‍ഡ്യന്‍ നൃത്തകലയിലെ പ്രഗത്ഭയുടെ മുന്‍നിരയിലേക്കു സ്വത്വബോധമാര്‍ന്ന സ്വപ്രയത്‌നത്തിലുടെ എത്തിച്ചേര്‍ന്ന സുനന്ദ നായര്‍ ഇന്‍ഡ്യയ്ക്കകത്തും ഒട്ടുമിക്ക വിദേശരാജ്യങ്ങളിലും അരങ്ങേറുന്ന ഫെസ്റ്റിവലുകളില്‍ തന്റെ നൃത്തപ്രതിഭയുടെ നിറസാന്നിദ്ധ്യം അറിയിച്ചിട്ടുണ്ട്. അമേരിക്കയില്‍ മോഹിനിയാട്ട രംഗത്തു തിളങ്ങി നില്‍ക്കുന്ന ഡോ:സുനന്ദാ നായര്‍ക്ക് ലഭിച്ച അംഗീകാരം  അമേരിക്കയില്‍ ഇനിയും പല പ്രതിഭകളെയും തേടി ഇത്തരം പുരസ്‌കാരനാണ് ലഭിക്കും എന്നതിന്റെ തുടക്കം കൂടിയാണ് കലാമണ്ഡലത്തിന്റെ  അംഗീകാരം.

കലാരത്‌നം  ഡോ:സുനന്ദാ നായര്‍ക്ക് E-മലയാളിയുടെ ആശംസകള്‍