ഷിക്കാഗോ: വൈ.എം.എ ക്രിസ്മസ്- ന്യൂഇയര് ആഘോഷം ഡിസംബര് 16-ന് വൈറ്റ് പ്ലെയിന്സിലെ
റോയല് പാലസില് നടക്കും. ഓര്മ്മക്കുറിപ്പായി മനസ്സില് മായാതെ നില്ക്കുംവിധമാണ്
വൈ.എം.എ ഫാമിലി നൈറ്റ് 2016 അരങ്ങേറുന്നത്.
കാലങ്ങളായി വൈ.എം.എ
അമേരിക്കയിലും കേരളത്തിലും പ്രശംസനീയമായ നിലയില് സാമൂഹ്യ-സേവന പ്രവര്ത്തനങ്ങള്
നടത്തിവരുന്നു. ആയിരത്തോളം വരുന്ന മലയാളി കുടുംബങ്ങളെ ഒരു കുടക്കീഴില്
അണിചേര്ത്ത് സാമൂഹ്യസേവന പാതയിലേക്ക് നയിക്കുന്നതിന് വൈ.എം.എ നല്കുന്ന പങ്ക്
ഏറെയാണ്.
കേരളത്തിലും വൈ.എം.എ വ്യത്യസ്തമായ നിരവധി കര്മ്മപദ്ധതികളിലൂടെ
ശ്രദ്ധനേടിയിട്ടുണ്ട്. നിര്ധന കുടുംബങ്ങള്ക്ക് വീട് നിര്മ്മണം, പഠനസഹായം,
കാന്സര് രോഗികള്ക്കുള്ള സഹായം, ആദിവാസികളുടെ ക്ഷേമ പദ്ധതികള് തുടങ്ങി ഒട്ടേറെ
കാര്യങ്ങള് വൈ.എം.എ ജന്മനാട്ടില് നടത്തിക്കഴിഞ്ഞു.
ക്രിസ്മസ്
ആഘോഷത്തിനൊപ്പം പുതുവര്ഷത്തെ വരവേല്ക്കാന്കൂടി "വൈ.എം.എ ഫാമലി നൈറ്റ് 2016' എന്ന
പരിപാടിയിലൂടെ ലക്ഷ്യമിടുന്നു. സിനിമാതാരം മന്യ ആയിരിക്കും ഫാമിലി നൈറ്റിലെ
മുഖ്യാതിഥി. ശാലിനി രാജേന്ദ്രനും, ജെംസണ് കുര്യാക്കോസും നയിക്കുന്ന ഗാനമേള,
നാട്യമുദ്രയുടെ നൃത്തനൃത്യങ്ങള്, ഫെയ്സ് പെന്റിംഗിന്റെ വിചിത്രവിശേഷം ഇവയെല്ലാം
ഡിസംബര് 18-ന് വൈകിട്ട് 5 മണിക്ക് നടത്തുന്ന ഫാമിലി നൈറ്റിനു മിഴിവേകും.
പ്രസിഡന്റ് ഷോബി ഐസക്, സെക്രട്ടറി ബെന് കൊച്ചീക്കാരന്, ട്രഷറര് സുരേഷ്
നായര് എന്നിവരുടെ നേതൃത്വത്തിലാണ് വൈ.എം.എ വൈ.എം.എ ഫാമിലി നൈറ്റ് 2016 നടക്കുക.
ബാബു കൃഷ്ണകല അറിയിച്ചതാണിത്.