നാടന്‍ ചായക്കട കേരളത്തിന്റെ മറ്റൊരു ടൂറിസം പ്രൊഡക്റ്റ്; അമേരിക്കയിലെ പസഫിക് കടലോര പാത മാതൃകയാക്കും (കുര്യന്‍ പാമ്പാടി)
Published on 01 October, 2016
പഴക്കുല, സോഡാ സര്‍ബത്ത്, നാരങ്ങാമിഠായി, സ്ത്രീ പരമ്പരകള്‍ അടങ്ങിയ
വാരികകള്‍... മലയാളിക്ക് ഗൃഹാതുരത്വം ഉണര്‍ത്തുന്ന പലതും നിറഞ്ഞ പഴയ
ചായക്കടയുടെ പശ്ചാത്തലത്തില്‍ കേരളത്തിലേക്ക് ടൂറിസ്റ്റുകളെ ആകര്‍ഷിച്ച്
അടുപ്പിക്കുക - കേരള ട്രാവല്‍ മാര്‍ട്ടിന്റെ ഒന്‍പതാം എഡിഷനില്‍ കണ്ട
കൗതുകക്കാഴ്ചകളില്‍ ഒന്നായിരുന്നു അത്.
കൊച്ചി വില്ലിംഗ്ടണ്‍ ഐലന്‍ഡിലെ സാമുദ്രിക കണ്‍വന്‍ഷന്‍ സെന്ററില്‍ അരങ്ങേറിയ മേള ഇന്ത്യയിലും വിദേശത്തുമുള്ള ആയിരങ്ങളെ ആകര്‍ഷിച്ചു. ചൈന ഉള്‍പ്പെടെയുള്ള പത്തു വിദേശരാജ്യങ്ങള്‍ പുതുതായി എത്തി എന്നതാണ് ഇത്തവണത്തെ മേളയുടെ പ്രത്യേകത. കടലോരത്തിനും കായലോരത്തിനും മലമടക്കുകള്‍ക്കും പുറമേ കേരളത്തിന്റെ തനതായ ആകര്‍ഷണങ്ങള്‍ എന്തൊക്കെയെന്നു കണ്ടറിഞ്ഞ് ഉന്മത്തരായി അവര്‍ മടങ്ങിപ്പോയി, ഇനിയും വരാന്‍വേണ്ടി.
ടൂറിസത്തെ അനാകര്‍ഷകമാക്കുന്ന കേരളത്തിന്റെ മദ്യം നയം പൊളിച്ചെഴുതുമെന്ന പ്രതീക്ഷയും ആഭ്യന്തര ടൂറിസ്റ്റുകളുടെ എണ്ണത്തില്‍ കേരളം പിന്നോക്കയും പോയതിലുള്ള ആശങ്കയും പങ്കുവച്ചുകൊണ്ടാണ് ത്രിദിന മേളയ്ക്കു കൊടിയിറങ്ങിയത്. മദ്യനയം തിരുത്തിക്കുറിക്കുമെന്ന് മേള ഉദ്ഘാടനം ചെയ്ത മുഖ്യമന്ത്രി പിണറായി വിജയനും ടൂറിസം മന്ത്രി എ.സി. മൊയ്തീനും സൂചിപ്പിക്കുകയും ചെയ്തു.
മദ്യനയം മാറ്റിയില്ലെങ്കില്‍ കണ്‍വന്‍ഷനുകളും കോണ്‍ഫറന്‍സുകളും ഗോവയിലേക്കും ബംഗളൂരുവിലേക്കും ശ്രീലങ്കയിലേക്കും പോകുമെന്ന് കെ.റ്റി.എം അധ്യക്ഷന്‍ ഏബ്രഹാം ജോര്‍ജും ടൂറിസം രംഗത്ത് പയറ്റിത്തെളിഞ്ഞ സി.ജി.എച്ച.് എര്‍ത്ത് അധ്യക്ഷന്‍ ജോസ് ഡൊമിനിക്കും മുന്നറിയിപ്പു നല്‍കി. കെ.റ്റി.എം-ന്റെ കോര്‍പറേറ്റ് സോഷ്യല്‍ റെസ്‌പോണ്‍സബിലിറ്റി കമ്മിറ്റിയുടെ അധ്യക്ഷന്‍കൂടിയാണു ജോസ്.
കേരളത്തിന്റെ ടൂറിസം വളര്‍ച്ചാനിരക്ക് 15ല്‍നിന്ന് അഞ്ചു ശതമാനമായി ഇടിയാന്‍ മദ്യനയം ഇടയാക്കിയിട്ടുണ്ടെന്നാണ് കെ.റ്റി.എം ഭാരവാഹികളുടെ പരാതി. അവര്‍ ഈ വിഷയം സര്‍ക്കാരുമായി വിശദമായി ചര്‍ച്ച ചെയ്യുകയും അടിയന്തര നടപടികള്‍ ആവശ്യപ്പെടുകയും ചെയ്തു.
കേരളത്തിനു പ്രതീക്ഷ നല്‍കുന്ന ഒന്ന് കേന്ദ്ര ഉപരിതല ഗതാഗതമന്ത്രി നിതിന്‍ ഗാഡ്കരി അടുത്തകാലത്ത് അമേരിക്കയില്‍ പസഫിക് കോസ്റ്റല്‍ ഹൈവേയിലുടെ നടത്തിയ ഒരു പര്യടനമാണ്. ടൂറിസം വികസനത്തിന് അത്യധികം സഹായകമായ ഈ ഹൈവേയുടെ മാതൃകയില്‍ കേരളത്തിലെ 500 കിലോമീറ്ററിലധികം വരുന്ന കടലോരത്ത് വന്‍ പാത വികസിപ്പിച്ചെടുക്കണമെന്ന് അദ്ദേഹം നിര്‍ദേശിച്ചു. അതിനുള്ള പദ്ധതി ഉടനടി സമര്‍പ്പിക്കാന്‍ അദ്ദേഹം ആവശ്യപ്പെടുകയും ചെയ്തു. കേരളത്തിലെ മലയോരപാതയ്ക്കും ഹില്‍ ഹൈവേയ്ക്കുമായി 10,000 കോടി രൂപയുടെ ധനനിക്ഷേപം അനുവദിക്കുന്നതാണെന്ന് ധനമന്ത്രി ഡോ. തോമസ് ഐസക് പ്രഖ്യാപിച്ചിട്ടുണ്ട്.
വിദേശികളുടെ കാര്യം അവിടെ നില്‍ക്കട്ടെ. ആഭ്യന്തര ടൂറിസത്തിന്റെ കാര്യമെടുത്താല്‍ കേരളം പിന്നിലേക്കു തള്ളപ്പെട്ടു. കേന്ദ്ര ടൂറിസം വകുപ്പിന്റെ കണക്കനുസരിച്ച് 2015ല്‍ 14.32 കോടി പേരാണ് ഇന്ത്യയുടെ ഇതര സംസ്ഥാനങ്ങളിലേക്ക് വിനോദസഞ്ചാരം നടത്തിയത്. ഇത് 2014ലെ 12.38 കോടിയേക്കാള്‍ 11.63 ശതമാനം കൂടുതലായിരുന്നു. എന്നാല്‍, ഈ കണക്കെടുപ്പില്‍ ആദ്യത്തെ പത്തു സംസ്ഥാനങ്ങളില്‍ ഉള്‍പ്പെടാന്‍ കേരളത്തിനു കഴിഞ്ഞില്ല. ഒന്നാം സ്ഥാനം തമിഴ്‌നാടിനും രണ്ടാം സ്ഥാനം ഉത്തര്‍പ്രദേശിനും മൂന്നാം സ്ഥാനം ആന്ധ്രപ്രദേശിനും ലഭിച്ചു.
അതേസമയം, ഓണവും ബക്രീദും ഒന്നിച്ചു വന്നതുമൂലം കേരളത്തിലെ കായലോര ടൂറിസത്തിന് ഇക്കൊല്ലം ഓണക്കൊയ്ത്തായിരുന്നു. ആലപ്പുഴ കേന്ദ്രീകരിച്ചു പ്രവര്‍ത്തിക്കുന്ന എണ്ണൂറോളം ഹൗസ് ബോട്ടുകള്‍ക്ക് നിന്നുതിരിയാന്‍ ഇടമില്ലാതായി. ഉത്തരേന്ത്യയില്‍നിന്നും വിദേശത്തുനിന്നും പതിനായിരക്കണക്കിനു സഞ്ചാരികളാണ് ഹൗസ്‌ബോട്ടുകള്‍ തേടിയെത്തിയത്. ഈ നൗകകള്‍ കുറഞ്ഞത് 15 കോടി രൂപയുടെയെങ്കിലും വരുമാനമുണ്ടാക്കിയെന്നാണു വിശ്വാസം.
മുപ്പത്-അന്‍പത് സംഘങ്ങളായി എത്തിയവരായിരുന്നു ഈ സഞ്ചാരികളില്‍ അധികവും. പകല്‍ യാത്രയ്ക്ക് ആളൊന്നിന് ആയിരം രൂപ വരെ ചാര്‍ജ് ചെയ്തു. മുപ്പതു പേരുള്ള ഒരു സംഘം അങ്ങനെ ഒരു പകലിന് 30,000 രൂപ ചെലവഴിക്കേണ്ടിവന്നു. രാത്രിയാത്രയ്ക്ക് രണ്ടു മുറികളുള്ള ഒരു ഹൗസ്‌ബോട്ടിന് 20,000 രൂപയായിരുന്നു ചാര്‍ജ്. സീസണില്‍ ബോട്ടിലെ തൊഴിലാളികള്‍ക്കും ക്ഷാമമായി. അവരെത്തേടി ഉടമകള്‍ നെട്ടോട്ടം നടത്തേണ്ടിവന്നു. ഒരാള്‍ക്ക് 1500-2000 രൂപ വരെ ദിവസക്കൂലി ലഭിച്ചു.
കാശ്മീരിലെ സംഘര്‍ഷം മൂലം കേരളത്തിലെ ഹൗസ്‌ബോട്ടുകള്‍ക്കുവേണ്ടിയുള്ള സഞ്ചാരികളുടെ പ്രവാഹം ഇനിയും വര്‍ധിക്കുമെന്നാണ് ബോട്ടുടമകളുടെ പ്രതീക്ഷ.
വില്ലിംഗ്ടണ്‍ ഐലന്‍ഡിലെ കണ്‍വന്‍ഷന്‍ സെന്ററില്‍ സമാപിച്ച കേരള ട്രാവല്‍ മാര്‍ട്ടിന് ജപ്പാന്‍, ചൈന, ചിലി, ഗ്രീസ്, ഇറാന്‍, ദക്ഷിണകൊറിയ, സൗദി അറേബ്യ, മോക്‌സിക്കോ, ബോട്‌സ്വാന, ജോര്‍ജിയ എന്നീ രാജ്യങ്ങളില്‍നിന്ന് ആദ്യമായി സന്ദര്‍ശകരെത്തി. ആകെ 57 രാജ്യങ്ങളുടെ 570 പ്രതിനിധികള്‍ കെ.റ്റി.എം സന്ദര്‍ശിച്ചു. സംസ്ഥാനത്തെ ടൂറിസം ഓപ്പറേറ്റര്‍മാരുടെ 1304 പ്രതിനിധികളും ഇത്തവണ സ്റ്റാളുകള്‍ ഒരുക്കിയിരുന്നു.
ടൂറിസം പ്രമോഷനിലും കേരളം ശ്രദ്ധേയമായി. ജക്കാര്‍ത്തയിലെ ഇന്തോനേഷ്യന്‍ കണ്‍വന്‍ഷന്‍ സെന്ററില്‍ നടന്ന പാറ്റാ (പസഫിക് ഏഷ്യാ ട്രാവല്‍ അസോസിയേഷന്‍) സമ്മേളനത്തില്‍വച്ച് കേരളത്തിനുള്ള രണ്ടു സുവര്‍ണ പുരസ്കാരങ്ങള്‍ ടൂറിസം ഡയറക്ടര്‍ യു.വി. ജോസ് ഏറ്റുവാങ്ങിയത് കേരളത്തിന് അഭിമാനം നല്‍കുന്നു.
കൊച്ചി വില്ലിംഗ്ടണ്‍ ഐലന്‍ഡിലെ സാമുദ്രിക കണ്‍വന്‍ഷന്‍ സെന്ററില്‍ അരങ്ങേറിയ മേള ഇന്ത്യയിലും വിദേശത്തുമുള്ള ആയിരങ്ങളെ ആകര്‍ഷിച്ചു. ചൈന ഉള്‍പ്പെടെയുള്ള പത്തു വിദേശരാജ്യങ്ങള്‍ പുതുതായി എത്തി എന്നതാണ് ഇത്തവണത്തെ മേളയുടെ പ്രത്യേകത. കടലോരത്തിനും കായലോരത്തിനും മലമടക്കുകള്‍ക്കും പുറമേ കേരളത്തിന്റെ തനതായ ആകര്‍ഷണങ്ങള്‍ എന്തൊക്കെയെന്നു കണ്ടറിഞ്ഞ് ഉന്മത്തരായി അവര്‍ മടങ്ങിപ്പോയി, ഇനിയും വരാന്‍വേണ്ടി.
ടൂറിസത്തെ അനാകര്‍ഷകമാക്കുന്ന കേരളത്തിന്റെ മദ്യം നയം പൊളിച്ചെഴുതുമെന്ന പ്രതീക്ഷയും ആഭ്യന്തര ടൂറിസ്റ്റുകളുടെ എണ്ണത്തില്‍ കേരളം പിന്നോക്കയും പോയതിലുള്ള ആശങ്കയും പങ്കുവച്ചുകൊണ്ടാണ് ത്രിദിന മേളയ്ക്കു കൊടിയിറങ്ങിയത്. മദ്യനയം തിരുത്തിക്കുറിക്കുമെന്ന് മേള ഉദ്ഘാടനം ചെയ്ത മുഖ്യമന്ത്രി പിണറായി വിജയനും ടൂറിസം മന്ത്രി എ.സി. മൊയ്തീനും സൂചിപ്പിക്കുകയും ചെയ്തു.
മദ്യനയം മാറ്റിയില്ലെങ്കില്‍ കണ്‍വന്‍ഷനുകളും കോണ്‍ഫറന്‍സുകളും ഗോവയിലേക്കും ബംഗളൂരുവിലേക്കും ശ്രീലങ്കയിലേക്കും പോകുമെന്ന് കെ.റ്റി.എം അധ്യക്ഷന്‍ ഏബ്രഹാം ജോര്‍ജും ടൂറിസം രംഗത്ത് പയറ്റിത്തെളിഞ്ഞ സി.ജി.എച്ച.് എര്‍ത്ത് അധ്യക്ഷന്‍ ജോസ് ഡൊമിനിക്കും മുന്നറിയിപ്പു നല്‍കി. കെ.റ്റി.എം-ന്റെ കോര്‍പറേറ്റ് സോഷ്യല്‍ റെസ്‌പോണ്‍സബിലിറ്റി കമ്മിറ്റിയുടെ അധ്യക്ഷന്‍കൂടിയാണു ജോസ്.
കേരളത്തിന്റെ ടൂറിസം വളര്‍ച്ചാനിരക്ക് 15ല്‍നിന്ന് അഞ്ചു ശതമാനമായി ഇടിയാന്‍ മദ്യനയം ഇടയാക്കിയിട്ടുണ്ടെന്നാണ് കെ.റ്റി.എം ഭാരവാഹികളുടെ പരാതി. അവര്‍ ഈ വിഷയം സര്‍ക്കാരുമായി വിശദമായി ചര്‍ച്ച ചെയ്യുകയും അടിയന്തര നടപടികള്‍ ആവശ്യപ്പെടുകയും ചെയ്തു.
കേരളത്തിനു പ്രതീക്ഷ നല്‍കുന്ന ഒന്ന് കേന്ദ്ര ഉപരിതല ഗതാഗതമന്ത്രി നിതിന്‍ ഗാഡ്കരി അടുത്തകാലത്ത് അമേരിക്കയില്‍ പസഫിക് കോസ്റ്റല്‍ ഹൈവേയിലുടെ നടത്തിയ ഒരു പര്യടനമാണ്. ടൂറിസം വികസനത്തിന് അത്യധികം സഹായകമായ ഈ ഹൈവേയുടെ മാതൃകയില്‍ കേരളത്തിലെ 500 കിലോമീറ്ററിലധികം വരുന്ന കടലോരത്ത് വന്‍ പാത വികസിപ്പിച്ചെടുക്കണമെന്ന് അദ്ദേഹം നിര്‍ദേശിച്ചു. അതിനുള്ള പദ്ധതി ഉടനടി സമര്‍പ്പിക്കാന്‍ അദ്ദേഹം ആവശ്യപ്പെടുകയും ചെയ്തു. കേരളത്തിലെ മലയോരപാതയ്ക്കും ഹില്‍ ഹൈവേയ്ക്കുമായി 10,000 കോടി രൂപയുടെ ധനനിക്ഷേപം അനുവദിക്കുന്നതാണെന്ന് ധനമന്ത്രി ഡോ. തോമസ് ഐസക് പ്രഖ്യാപിച്ചിട്ടുണ്ട്.
വിദേശികളുടെ കാര്യം അവിടെ നില്‍ക്കട്ടെ. ആഭ്യന്തര ടൂറിസത്തിന്റെ കാര്യമെടുത്താല്‍ കേരളം പിന്നിലേക്കു തള്ളപ്പെട്ടു. കേന്ദ്ര ടൂറിസം വകുപ്പിന്റെ കണക്കനുസരിച്ച് 2015ല്‍ 14.32 കോടി പേരാണ് ഇന്ത്യയുടെ ഇതര സംസ്ഥാനങ്ങളിലേക്ക് വിനോദസഞ്ചാരം നടത്തിയത്. ഇത് 2014ലെ 12.38 കോടിയേക്കാള്‍ 11.63 ശതമാനം കൂടുതലായിരുന്നു. എന്നാല്‍, ഈ കണക്കെടുപ്പില്‍ ആദ്യത്തെ പത്തു സംസ്ഥാനങ്ങളില്‍ ഉള്‍പ്പെടാന്‍ കേരളത്തിനു കഴിഞ്ഞില്ല. ഒന്നാം സ്ഥാനം തമിഴ്‌നാടിനും രണ്ടാം സ്ഥാനം ഉത്തര്‍പ്രദേശിനും മൂന്നാം സ്ഥാനം ആന്ധ്രപ്രദേശിനും ലഭിച്ചു.
അതേസമയം, ഓണവും ബക്രീദും ഒന്നിച്ചു വന്നതുമൂലം കേരളത്തിലെ കായലോര ടൂറിസത്തിന് ഇക്കൊല്ലം ഓണക്കൊയ്ത്തായിരുന്നു. ആലപ്പുഴ കേന്ദ്രീകരിച്ചു പ്രവര്‍ത്തിക്കുന്ന എണ്ണൂറോളം ഹൗസ് ബോട്ടുകള്‍ക്ക് നിന്നുതിരിയാന്‍ ഇടമില്ലാതായി. ഉത്തരേന്ത്യയില്‍നിന്നും വിദേശത്തുനിന്നും പതിനായിരക്കണക്കിനു സഞ്ചാരികളാണ് ഹൗസ്‌ബോട്ടുകള്‍ തേടിയെത്തിയത്. ഈ നൗകകള്‍ കുറഞ്ഞത് 15 കോടി രൂപയുടെയെങ്കിലും വരുമാനമുണ്ടാക്കിയെന്നാണു വിശ്വാസം.
മുപ്പത്-അന്‍പത് സംഘങ്ങളായി എത്തിയവരായിരുന്നു ഈ സഞ്ചാരികളില്‍ അധികവും. പകല്‍ യാത്രയ്ക്ക് ആളൊന്നിന് ആയിരം രൂപ വരെ ചാര്‍ജ് ചെയ്തു. മുപ്പതു പേരുള്ള ഒരു സംഘം അങ്ങനെ ഒരു പകലിന് 30,000 രൂപ ചെലവഴിക്കേണ്ടിവന്നു. രാത്രിയാത്രയ്ക്ക് രണ്ടു മുറികളുള്ള ഒരു ഹൗസ്‌ബോട്ടിന് 20,000 രൂപയായിരുന്നു ചാര്‍ജ്. സീസണില്‍ ബോട്ടിലെ തൊഴിലാളികള്‍ക്കും ക്ഷാമമായി. അവരെത്തേടി ഉടമകള്‍ നെട്ടോട്ടം നടത്തേണ്ടിവന്നു. ഒരാള്‍ക്ക് 1500-2000 രൂപ വരെ ദിവസക്കൂലി ലഭിച്ചു.
കാശ്മീരിലെ സംഘര്‍ഷം മൂലം കേരളത്തിലെ ഹൗസ്‌ബോട്ടുകള്‍ക്കുവേണ്ടിയുള്ള സഞ്ചാരികളുടെ പ്രവാഹം ഇനിയും വര്‍ധിക്കുമെന്നാണ് ബോട്ടുടമകളുടെ പ്രതീക്ഷ.
വില്ലിംഗ്ടണ്‍ ഐലന്‍ഡിലെ കണ്‍വന്‍ഷന്‍ സെന്ററില്‍ സമാപിച്ച കേരള ട്രാവല്‍ മാര്‍ട്ടിന് ജപ്പാന്‍, ചൈന, ചിലി, ഗ്രീസ്, ഇറാന്‍, ദക്ഷിണകൊറിയ, സൗദി അറേബ്യ, മോക്‌സിക്കോ, ബോട്‌സ്വാന, ജോര്‍ജിയ എന്നീ രാജ്യങ്ങളില്‍നിന്ന് ആദ്യമായി സന്ദര്‍ശകരെത്തി. ആകെ 57 രാജ്യങ്ങളുടെ 570 പ്രതിനിധികള്‍ കെ.റ്റി.എം സന്ദര്‍ശിച്ചു. സംസ്ഥാനത്തെ ടൂറിസം ഓപ്പറേറ്റര്‍മാരുടെ 1304 പ്രതിനിധികളും ഇത്തവണ സ്റ്റാളുകള്‍ ഒരുക്കിയിരുന്നു.
ടൂറിസം പ്രമോഷനിലും കേരളം ശ്രദ്ധേയമായി. ജക്കാര്‍ത്തയിലെ ഇന്തോനേഷ്യന്‍ കണ്‍വന്‍ഷന്‍ സെന്ററില്‍ നടന്ന പാറ്റാ (പസഫിക് ഏഷ്യാ ട്രാവല്‍ അസോസിയേഷന്‍) സമ്മേളനത്തില്‍വച്ച് കേരളത്തിനുള്ള രണ്ടു സുവര്‍ണ പുരസ്കാരങ്ങള്‍ ടൂറിസം ഡയറക്ടര്‍ യു.വി. ജോസ് ഏറ്റുവാങ്ങിയത് കേരളത്തിന് അഭിമാനം നല്‍കുന്നു.
കൊച്ചിലെ കേരള ട്രാവല്‍ മാര്‍ട്ടില്‍ നാടന്‍ ചായക്കട
കേരളം മാതൃകയാക്കുന്ന പസഫിക് കോസ്റ്റല്‍ ഹൈവേ.
വയനാട്ടിലെ പ്ലാന്റേഷന് ഹോംസ്റ്റേ കോഫി കൗണ്ടിക്ക് പുതിയ പേര് - "ടര്മെറിക്ക'. രഞ്ജിനി, രാജഗോപാല്, ജോസ് ഡൊമിനിക്.
ഉദ്ഘാടനം: മുഖ്യമന്ത്രി പിണറായി വിജയനും ടൂറിസം മന്ത്രി എ.സി. മൊയ്തീനും.
ടൂറിസം ഹാര്‍ഡ് സെല്‍.
കേരള ടൂറിസത്തിന്റെ തനതായ മുഖമുദ്രകള്.
സ്‌പൈസ് റൂട്ട് പ്രമോഷന്.
ട്രാവല്‍ മാര്‍ട്ടിലെ തിരക്ക്.
ആനയും അമ്പാരിയും: ഒരു കെ.റ്റി.എം സ്റ്റാള്‍.
കേരള ടൂറിസത്തിന്റെ സമ്മാനാര്ഹമായ പോസ്റ്റര്‍.
Facebook Comments
Comments
Ponmelil Abraham 2016-10-01 09:18:00
A step in right direction if implemented as announced.
മണിയൻ ഈച്ച 2016-10-01 13:21:26
കേരളത്തിലെ മാലിന്യ കൂമ്പാരങ്ങളുടെ അടൂത്ത് തട്ടുകട തുടങ്ങണം. തിന്നു കഴിഞ്ഞാൽ ഉടനെ ഇല അങ്ങോട്ട് വലിച്ചെറിയാമല്ലോ. പിന്നെ ചീഞ്ഞ ഇറച്ചി വളിച്ച ദോശ, ഇതെല്ലാം അവിടെയിട്ടാൽ ഞങ്ങൾ ഈച്ചകൾക്കും ഞങ്ങളുടെ മുന്നണിയിലുള്ള കൊതുക് പാറ്റ പുഴു തുടങ്ങിയവർക്കും വളരെ പ്രയോചനം ചെയ്യും എന്തായാലും ഇതൊരു നല്ല വാർത്ത
sch.cat 2016-10-01 12:30:20
അമേരിക്കയിലെ എല്ലാ ഗ്രാമത്തിലും തട്ടുകട തുടങ്ങണം .
ഫോമ, ഫോക്കാന, ലാന, മാമ , പ്രസ്‌ ക്ലബ്‌ , chamber ഓഫ് കോമ്മെര്‍സ് , പള്ളിക്കാര്‍, നായര്‍ , ഹിന്ദു
എല്ലാവരും സൊന്തം തട്ടുകട തുടങ്ങി അടി നടത്തണം
മാഫിയ വന്നു അടിച്ചു പൊളിക്കും വരെ
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala