ബോളിവുഡിലെ ഏറ്റവും ധാര്ഷ്ട്യക്കാരനായ താരമെന്നു പലരും ഷാറൂഖാനെ കുറിച്ച് പറഞ്ഞു പറഞ്ഞിട്ടുണ്ട്. എന്നാല് ഇതും വെറും ആരോപണങ്ങളാണെന്നും സഹപ്രവര്ത്തകരോട് വളരെ താഴ്മയും വിനയവും ഉളള താരമാണ് ഷാറൂഖെന്നും ചില സംഭവങ്ങള് വ്യക്തമാക്കും.
ഈ അടുത്താണ് ഷാറൂഖ് പ്രീതി സിന്റയോട് ഒരു സംഭവവുമായി ബന്ധപ്പെട്ട് മാപ്പു പറഞ്ഞത്. ഷാറൂഖും മനീഷാ കൊയ് രാളയും പ്രീതി സിന്റയും മുഖ്യ വേഷത്തിലെത്തിയ ചിത്രമാണ് ദില് സേ. ബോക്സ് ഓഫീസ് ഹിറ്റായിരുന്ന പ്രണയചിത്രം ഷാറൂഖാന്റെ എക്കാലത്തെയും മികച്ച ചിത്രങ്ങളിലൊന്നാണ്. 1998 ല് റിലീസ് ചെയ്ത ചിത്രം മണിരത്നമാണ് സംവിധാനം ചെയ്തത്.
ചിത്രത്തിന്റെ പതിനെട്ടാം വാര്ഷികമാണ് ഷാറൂഖിനെ പ്രീതി സിന്റെയോട് മാപ്പു പറയിക്കാന് ഇടയാക്കിയത്. ചിത്രത്തിന്റെ വാര്ഷികത്തോടനുബന്ധിച്ച് ഷാറൂഖ് ഇന്സ്റ്റഗ്രാമില് പോസ്റ്റു ചെയ്ത വീഡിയോ ആണ് പ്രശ്നമായത്.
ഷാറൂഖ് ഇന്സ്റ്റഗ്രാമില് പോസ്റ്റു ചെയ്ത വീഡിയോയില് രാം ഗോപാല് വര്മ്മ മുതല് ചിത്രവുമായി ബന്ധപ്പെട്ട എല്ലാവരുടെയും പേര് പരാമര്ശിക്കുന്നുണ്ട് .എന്നാല് മുഖ്യ വേഷത്തിലെത്തിയ പ്രീതിയുടെ പേര് ഷാറൂഖ് വിട്ടു പോയി.അബദ്ധം മനസ്സിലായ ഷാറൂഖ് പ്രീതിയോട് മാപ്പുപറയുകയും വീഡിയോ എഡിറ്റ് ചെയ്ത് പ്രീതിയുടെ പേര് ചേര്ക്കുകയുമായിരുന്നു.