നടി മഞ്ജു വാര്യര് പ്രതിഫലം വര്ധിപ്പിക്കുന്നു. 75 ലക്ഷം രൂപയായി മഞ്ജു പ്രതിഫലം വര്ധിപ്പിക്കുന്നുവെന്നാണ് റിപ്പോര്ട്ട്. രണ്ടാം വരവില് മഞ്ജു ആദ്യമായി അഭിനയിച്ച ഹൗ ഓള്ഡ് ആര് യു, എന്നും എപ്പോഴും എന്നീ ചിത്രങ്ങളില് അറുപത് ലക്ഷം രൂപ പ്രതിഫലം വാങ്ങിയാണ് മഞ്ജു അഭിനയിച്ചത്.
ഈ രണ്ട് ചിത്രങ്ങള് ഒഴികെ രണ്ടാം വരവില് മഞ്ജു അഭിനയിച്ച ചിത്രങ്ങളൊന്നും ബോക്സോഫീസില് വലിയ ചലനങ്ങള് സൃഷ്ടിച്ചിട്ടില്ല. എന്നിട്ടും മഞ്ജു വന് തോതില് പ്രതിഫലം വര്ധിപ്പിക്കുന്നുവെന്നാണ് സിനിമാ ലോകത്തെ പരാതി. ഏറ്റവും ഒടുവില് അഭിനയിച്ച കരിങ്കുന്നം സിക്സസ് എന്ന ചിത്രത്തിലും മഞ്ജു അറുപത് ലക്ഷം രൂപ പ്രതിഫലം വാങ്ങിയാണ് അഭിനയിച്ചത്.
കരിങ്കുന്നം സിക്സ് എന്ന ചിത്രത്തിന് ശേഷം മഞ്ജു പുതിയ ചിത്രങ്ങള്ക്കൊന്നും കരാറായിട്ടില്ല. തമിഴില് ഒരു ചിത്രത്തിന്റെ ചര്ച്ച പുരോഗമിക്കുന്നുണ്ട്.