ശ്രീ സുധീർ പണിക്കവീട്ടിലിന്റെ ഒഴുക്കുള്ള നല്ല മലയാളത്തിലെഴുതിയ ലേഖനം ചിന്തനീയമാണ്. പുരാണങ്ങളും മതഗ്രന്ഥങ്ങളും കൂടുതൽ വായിക്കുംതോറും 'ധർമ്മം' എന്ന വാക്കിന്റെ അർത്ഥവും തത്ത്വചിന്തകളും വ്യത്യസ്തമായി വ്യാഖ്യാനിക്കേണ്ടി വരും. ധർമ്മം നില നിർത്താനെന്നു പറഞ്ഞു എവിടെ വായിച്ചാലും 'കൊല്ലും കൊലയും' മാത്രം കാണാം. ഐ സി ഐ എസ്‌ ഭീകരവാദികൾ നടത്തുന്ന കൊലകളും ധർമ്മത്തിനുവേണ്ടിയെന്നു പറയും. ബൈബിളിലെ പഴയനിയമത്തിലാണെങ്കിലും ദൈവത്തിന്റെയും പ്രവാചകരുടെയും പ്രധാന ജോലി കൊല്ലും കൊലയും വ്യപിചാരങ്ങളുമാണ്. എന്നിട്ട് മോശയുടെ പത്തു പ്രമാണങ്ങളും അൾത്താരയുടെ മുമ്പിൽ പ്രതിഷ്ഠിച്ചുകൊണ്ടു കൊല്ലരുത്, കക്കരുത്, വ്യപിചാരം ചെയ്യരുതെന്നു പുരോഹിതർ ഭക്തരെ ഉപദേശിക്കും. ഇതാണ് എല്ലാ മതങ്ങളിലും നിറഞ്ഞിരിക്കുന്ന ധർമ്മത്തിന്റെ സാരം. 

രാമനെ കാട്ടിലയച്ചതെന്തെന്നു മതം മസ്തിഷ്‌കത്തിൽ നിറഞ്ഞിരിക്കുന്നവരോട് ചോദിച്ചാൽ തിന്മകൾ നിറഞ്ഞിരിക്കുന്ന അസുരന്മാരെ ഇല്ലാതാക്കാനെന്നും വ്യാഖ്യാനിച്ചു പറയും. അസുരന്മാരെന്നു പറയുന്നത് നമ്മൾ ദ്രാവിഢരായ മലയാളികളും തമിഴരുമെന്ന സത്യവും ഇത്തരം ഇതിഹാസങ്ങളിൽ നിന്നു മനസിലാക്കണം. രാവണ സഹോദരി ശൂർപ്പണകയുടെ മാറിടവും മൂക്കും രാമന്റെ സഹോദരൻ ലക്ഷ്മണൻ മുറിക്കുന്നു. അവിടെയും ക്രൂരതയെ ധർമ്മമായി കാണുന്നു. സ്വന്തം സഹോദരിയെ മാനഭംഗപെടുത്തിയ ശ്രീ രാമ സഹോദരരോട് രാവണൻ പ്രതികാരം ചെയ്തപ്പോൾ അത് അധർമ്മവുമായി. ഒരു മകൻ കാട്ടിൽ ഭീകര ജന്തുക്കളോടും വിഷ ജീവികളോടും മല്ലിടുമ്പോഴുണ്ടാകുന്ന പിതാവിന്റെ വേദന ധർമ്മിഷ്ഠ ചിന്താഗതിക്കാർക്ക് അറിയുകയും വേണ്ട. ഭാര്യയുടെ വക്രവാക്കു കേട്ട് രാമനെ കാട്ടിലയച്ച ദശരഥൻ ക്രൂരനെന്നു ചിന്തിക്കുന്നതും തെറ്റ്. അഞ്ചു മാസം ഗർഭിണിയായ പതിവൃതയായ സ്ത്രീയെ ഉപേക്ഷിച്ച രാമന്റെ പ്രവൃത്തികളും ധർമ്മമായി കാണുന്നു. അഗ്നി പരീക്ഷണം നടത്തി സീതയെ മറ്റൊരു പുരുഷൻ സ്പർശിച്ചില്ലെന്ന് തെളിഞ്ഞു. ഒരു പക്ഷെ അന്നും ഡി.എൻ.എ ടെസ്റ്റ് ഉണ്ടായിരിക്കാം. പരിശുദ്ധി തെളിയിക്കാൻ അഗ്നി പരീക്ഷണം പോരായിരുന്നെങ്കിൽ പിന്നെ എന്തിനു നടത്തിയെന്നതിനു ഉത്തരമില്ല. ഉത്തമയായ സ്വന്തം ഭാര്യയേയും ജനിക്കാനിരിക്കുന്ന കുഞ്ഞുങ്ങളെയും ഉപേക്ഷിച്ചുകൊണ്ട്‌ രാമൻ രാജ്യം ഭരിക്കാൻ തുനിഞ്ഞെങ്കിൽ അതും ധർമ്മമായി വ്യാഖ്യാനിക്കുന്നു. ജനങ്ങളുടെ കിംവദന്തികളെ ഭയന്ന രാമൻ ഭീരുവെന്നു പറഞ്ഞാൽ മത തീവ്രവാദികളെ ചൊടിപ്പിക്കും. രാമന് രാജ്യത്തിലെ പ്രജകളും മക്കളും തുല്യമായതുകൊണ്ടു സീതയെ ഉപേക്ഷിച്ചുകൊണ്ട് ജനങ്ങളുടെ ക്ഷേമത്തിനായി  ധർമ്മം സ്ഥാപിച്ചെന്നും ഉത്തരം കിട്ടും. വീടു നന്നാക്കിയിട്ടു നാടു നന്നാക്കിയാൽ പോരേയെന്ന ചോദ്യവും മതാന്ധരെ മത്തു പിടിപ്പിക്കും. തടവിലായിരുന്ന സീതയെ സ്പർശിക്കാത്ത രാവണന്റെ മഹത്വം പറഞ്ഞാലും അധർമ്മമാവും. ഇങ്ങനെ വിചിത്രമായ ധർമ്മകഥകൾ മതഗ്രന്ഥങ്ങളിൽ നിറയെ ശേഖരിച്ചിട്ടുണ്ട്.

തത്തക്കിളി പറയുന്നു 

എന്നേക്കാൾ മധുരമായി  കൊഞ്ചൽ ഭാഷ

എഴുതാൻ ചില എഴുത്തു കാർക്ക് പറ്റും

എന്ന് ഇപ്പോൾ അറിഞ്ഞു 

എഴുത്തച്ഛന്റെ കിളിക്കൊഞ്ചൽ .. ഭാഷ 

ചിത്രം  .. കൂനിയെ കാണുമ്പോൾ 

പണ്ട് അമർ ചിത്രകഥ വായിച്ച ഓർമ്മയിൽ 

ഒരു കുട്ടി ആകുന്നു