വി.എസ് ജയിക്കും, ഭൂരിപക്ഷം കുറയും; പക്ഷേ വോട്ടു നേടി തിരിഞ്ഞുനോക്കാത്തവര്‍ക്ക് സ്വാഹ! (രചന, ചിത്രങ്ങള്‍: കുര്യന്‍ പാമ്പാടി)
Published on 12 May, 2016
കൊച്ചുവെളുപ്പാന്‍കാലത്ത് പാലക്കാടിന്റെ ഹൃദയമായ ഒലവക്കോട്ട്
ട്രെയിനിറങ്ങി. കേരളം മുഴുവന്‍ ചുട്ടുപൊള്ളുമ്പോള്‍ പാലക്കാടിന്റെ കഥ
പറയാനില്ലല്ലോ. എങ്കിലും, പുലര്‍കാല വെളിച്ചത്തില്‍ തമുത്ത കാറ്റ്.
ജംക്ഷനില്‍ ചായ കുടിച്ചു നില്‍ക്കുമ്പോഴേക്കും കൃത്യം ആറരയ്ക്ക്
മലമ്പുഴയ്ക്കുള്ള ആദ്യത്തെ ബസ് എത്തി -ശ്രീശക്തി. പാലക്കാട്ടുനിന്ന് മലമ്പുഴ
വരെയുള്ള പത്തു കിലോമീറ്റര്‍ ദൂരത്തെ ഷട്ടില്‍ സര്‍വീസ്.
വി.എസിന്റെ തട്ടകമല്ല പാലക്കാട് എങ്കിലും നഗരത്തിലുടനീളം അദ്ദേഹത്തോടൊപ്പം നില്‍ക്കുന്ന എല്‍.ഡി.എഫ് സ്ഥാനാര്‍ഥി എന്‍.എന്‍. കൃഷ്ണദാസിന്റെ ഫ്‌ളെക്‌സ് ബോര്‍ഡുകള്‍ കാണാം. സാക്ഷാല്‍ മലമ്പുഴയിലേക്കുള്ള വഴിയോരത്തും വി.എസിന്റെ തനി ചിത്രങ്ങള്‍. യു.ഡി.എഫിനോടും ഉമ്മന്‍ചാണ്ടിയോടും നൂറു ചോദ്യങ്ങള്‍ ആലേഖനം ചെയ്ത പോസ്റ്ററുകളില്‍ വി.എസ് കൈചൂണ്ടി നില്‍ക്കുന്ന ചിത്രങ്ങള്‍.
വ്യവസായകേന്ദ്രമായ കഞ്ചിക്കോട്ടേക്കുള്ള റൂട്ടിലാണ് മലമ്പുഴ. മലമ്പുഴ ഡാം, പുതുശേരി, പുതുപ്പരിയാരം, വള്ളിക്കോട്, മുണ്ടൂര്‍, ധോണി, ആനക്കല്ല് തുടങ്ങിയ മണ്ഡലത്തിലെ പ്രധാന കേന്ദ്രങ്ങളിലെ ഓട്ടപ്രദക്ഷിണം കഴിഞ്ഞപ്പോള്‍ കഴിഞ്ഞ തവണത്തേതുപോലൊരു വേലിയേറ്റം കാണാന്‍ കഴിഞ്ഞില്ല. ""വി.എസ് ജയിക്കും, പക്ഷേ ഭൂരിപക്ഷം കുറയും''-ശ്രീശക്തി ബസിലെ കടുത്ത ഇടതുപക്ഷക്കാരായ ഡ്രൈവര്‍ ഷാജുദ്ദീനും കണ്ടക്ടര്‍ വാസുദേവനും ഒരുപോലെ പറഞ്ഞു. 2011ല്‍ ജില്ലയിലെ ഏറ്റവും കൂടിയ ഭൂരിപക്ഷം (23,440) ഉണ്ടായിരുന്നു.
ജില്ലയിലെ 12 നിയോജകമണ്ഡലങ്ങള്‍ എല്‍.ഡി.എഫും (ഏഴ്) യു.ഡി.എഫും (അഞ്ച്) പങ്കിട്ടെടുക്കുകയായിരുന്നു. ഇത്തവണയും വലിയ മാറ്റങ്ങള്‍ ഉണ്ടാകാനുള്ള സാധ്യത കുറവാണ്. എങ്കിലും കോങ്ങാട് യു.ഡി.എഫ് സ്ഥാനാര്‍ഥി പന്തളം സുധാകരന്‍ ജയിക്കാന്‍ സാധ്യത ഏറെ. മലബാറിലെ ആദ്യത്തെ കുടിയേറ്റമേഖലയായ കാഞ്ഞിരപ്പുഴ, പാലക്കയം, ഇരുമ്പകച്ചോല ഒക്കെ ഈ മണ്ഡലത്തില്‍ വരും.
യു.ഡി.എഫിന്റെ യുവസിംഹം വി.ടി. ബല്‍റാം തൃത്താലയില്‍ വന്‍ ഭൂരിപക്ഷത്തോടെ വീണ്ടും ജയിക്കുമെന്ന് എല്ലാവരും പറയുന്നു. വെള്ളിയാങ്കലില്‍ ഭാരതപ്പുഴയുടെ തീരത്ത് കഴിഞ്ഞ വര്‍ഷം മുഖ്യമന്ത്രി ഉദ്ഘാടനം ചെയ്ത മനോഹരമായ പാര്‍ക്ക് അതിനു സാക്ഷി. പാര്‍ക്കില്‍ പൈതൃകോത്സവം നടക്കുന്നു. അവിടേക്ക് ഞായറാഴ്ച ഒഴുകിയെത്തിയത് ആയിരങ്ങള്‍. പാര്‍ക്കിനു നടുവില്‍ ഓപ്പണ്‍ എയറില്‍ ദുബൈയില്‍നിന്നെത്തിയ നാട്ടുകാരന്‍ ആര്‍ട്ടിസ്റ്റ് സദാനന്ദന്‍ കാരിക്കേച്ചര്‍ വരച്ചുകൊടുക്കുന്നു. പെണ്‍കുട്ടികള്‍ ഓടിക്കൂടി. തട്ടമിട്ടവരും ധാരാളം. കോട്ടയത്ത് ടോംസിനോടൊത്ത് ജോലിചെയ്തിട്ടുള്ള സദാനന്ദന്‍ ബോബനും മോളിയും വരച്ചുകൊണ്ടായിരുന്നു തുടക്കം. നിമിഷിന്റെ മകള്‍ നന്ദന ആദ്യം ഇരുന്നു കൊടുത്തു.
ഒരുപാടു കാര്യങ്ങള്‍ മണ്ഡലത്തില്‍ ചെയ്തുകൂട്ടിയെന്നതാണ് ബല്‍റാമിന്റെ കൈമുതല്‍. വി.ടി. ഭട്ടതിരിപ്പാടും അക്കിത്തവും എം.ടിയും ജനിച്ച സ്ഥലം. പൂമുള്ളി മനയും വൈദ്യര്‍ മഠവും നിളാനദിയുമൊക്കെ മണ്ഡലത്തിന്റെ പൈതൃകനിരയില്‍ വരും. ബി.എസ്‌സി, ബി.ടെക്, എല്‍എല്‍.ബി, എം.ബി.എ എന്നിത്രയും ബിരുദങ്ങളുണ്ട് ബല്‍റാമിന്. മെയ് 21ന് മുപ്പത്തെട്ടു തികയും. എതിരാളി സി.പി.എമ്മിലെ ജില്ലാ പഞ്ചായത്ത് പ്രസിഡന്റ്.സുബൈദ ഇസഹാക.്
ജില്ലയിലെ ഷൊര്‍ണൂര്‍, ഒറ്റപ്പാലം, കോങ്ങാട്, മലമ്പുഴ, തരൂര്‍, നെന്മാറ, ആലത്തൂര്‍ എന്നീ എല്‍.ഡി.എഫ് മണ്ഡലങ്ങളിലും തൃത്താല, പട്ടാമ്പി, മണ്ണാര്‍ക്കാട്, പാലക്കാട്, ചിറ്റൂര്‍ എന്നീ യു.ഡി.എഫ് മണ്ഡലങ്ങളിലും നടത്തിയ ഓട്ടപ്രദക്ഷിണത്തില്‍നിന്നു വ്യക്തമായത് സ്വന്തം തട്ടകങ്ങളില്‍ നടത്തിയ വികസനപ്രവര്‍ത്തനങ്ങളെ അടിസ്ഥാനമാക്കിയാണ് ഇത്തവണ ജനം വോട്ടു ചെയ്യുക എന്നാണ്. മത്സരിക്കുന്ന യു.ഡി.എഫ്, എല്‍.ഡി.എഫ് എംഎല്‍എമാരെ ജനം അങ്ങനെ വിലയിരുത്തും.
വി.എസിനു ഭൂരിപക്ഷം കുറയുമെങ്കില്‍ അതിനുള്ള കാരണം ജയിച്ചുകഴിഞ്ഞ് അദ്ദേഹം മണ്ഡലത്തിലേക്കു തിരിഞ്ഞുനോക്കിയിട്ടില്ല എന്നതാണ്. എതിര്‍വശത്ത് ഉമ്മന്‍ചാണ്ടി (പുതുപ്പള്ളി), കെ.എം. മാണി (പാലാ), രമേശ് ചെന്നിത്തല (ഹരിപ്പാട്), പി.കെ. കുഞ്ഞാലിക്കുട്ടി (വേങ്ങര) തുടങ്ങിയവര്‍ക്കെല്ലാം സ്വന്തം മണ്ഡലത്തിന്റെ നിറഞ്ഞ പിന്തുണയുണ്ട്. 93ലെത്തിയ വി.എസിന് കേരളം മുഴുവന്‍ സ്വന്തം തട്ടകമായി ലഭിച്ചതാണ് മലമ്പുഴയുടെ ദുര്യോഗം. അവിടെ മറ്റൊരു വി.എസ് - വി.എസ്. ജോയി - യു.ഡി.എഫിനുവേണ്ടി ഇക്കാര്യം എടുത്തുപറഞ്ഞ് വോട്ടു പിടിക്കുന്നു.
ഇടതുപക്ഷത്തെ തുറുപ്പുചീട്ടുകളായ പിണറായി (ധര്‍മടം), തോമസ് ഐസക് (ആലപ്പുഴ), എ.കെ. ബാലന്‍ (തരൂര്‍) തുടങ്ങിയവര്‍ ജയിക്കുമെന്നുറപ്പ്. വികസന മുദ്രാവാക്യവുമായി കോഴിക്കോട് നോര്‍ത്തിലെ സിപിഎം സ്ഥാനാര്‍ഥി എ.പ്രദീപ്കുമാറും വിജയം ഉറപ്പിച്ചവരില്‍ ഒരാളാണ്.
കെ. മുരളീധരനും ടി.എന്‍. സീമയും കുമ്മനം രാജശേഖരനും കൊമ്പുകോര്‍ക്കുന്ന വട്ടിയൂര്‍ക്കാവ്; പത്മജ വേണുഗോപാല്‍ സിപിഐയിലെ വി.എസ്. സുനില്‍കുമാറിനെ നേരിടുന്ന തൃശൂര്‍; വി.കെ.സി ഗ്രൂപ്പ് ഉടമയും സി.പി.എമ്മിന്റെ കോഴിക്കോട് മേയറുമായ വി.കെ. മമ്മദുകോയ മത്സരിക്കുന്ന ബേപ്പൂര്‍; ഫ്രാന്‍സിസ് ജോര്‍ജും റോഷി അഗസ്റ്റിനും മല്ലിടുന്ന ഇടുക്കി; വി. ശിവന്‍കുട്ടിയും ബി. സുരേന്ദ്രന്‍പിള്ളയും ഒ. രാജഗോപാലും മത്സരിക്കുന്ന നേമം; കെ.ബി. ഗണേഷ്കുമാര്‍, ജഗദീഷിനെയും ഭീമന്‍ രഘുവിനെയും നേരിടുന്ന പത്തനാപുരം; കെ. ബാബു, എം. സ്വരാജിനോടു പടവെട്ടുന്ന തൃപ്പൂണിത്തുറ; സെബാസ്റ്റ്യന്‍ പോള്‍ പി.ടി. തോമസിനെ നേരിടുന്ന തൃക്കാക്കര; വി.ഡി. സതീശന്‍, ശാരദാ മോഹനെ നേരിടുന്ന പറവൂര്‍; 35 വര്‍ഷമായി എംഎല്‍എ ആയ കെ.സി. ജോസഫ്, കെ.ടി. ജോസിനെ നേരിടുന്ന ഇരിക്കൂര്‍.... കേരളത്തിലെ ശ്രദ്ധേയമായ മണ്ഡലങ്ങളില്‍ ഇവയൊക്കെ വരും.
പുതുപ്പള്ളിയില്‍ 1970 മുതല്‍ സാമാജികനായ ഉമ്മന്‍ചാണ്ടിക്ക് ഇതാ മറ്റൊരു ബലിയാടുകൂടി - എസ്.എഫ്.ഐ സംസ്ഥാന പ്രസിഡന്റ് ജെയ്ക്ക് വി. തോമസ്. വി.എന്‍. വാസവന്‍, ചെറിയാന്‍ ഫിലിപ്പ്, സിന്ധു ജോയി, സുജ സൂസന്‍ ജോര്‍ജ് തുടങ്ങിയവര്‍ക്കു ശേഷം. തന്റെ രാഷ്ട്രീയ ജീവിതത്തിലെ ഏറ്റം വലിയ വെല്ലുവിളികള്‍ - സരിത നായരുടെ സോളാര്‍ തട്ടിപ്പ്, ബാര്‍ കോഴ കേസ് - അതിജീവിച്ച ഉമ്മന്‍ചാണ്ടിക്ക് ഇത് വെറുമൊരു വാക്കോവര്‍.
വി.എസിന്റെ തട്ടകമല്ല പാലക്കാട് എങ്കിലും നഗരത്തിലുടനീളം അദ്ദേഹത്തോടൊപ്പം നില്‍ക്കുന്ന എല്‍.ഡി.എഫ് സ്ഥാനാര്‍ഥി എന്‍.എന്‍. കൃഷ്ണദാസിന്റെ ഫ്‌ളെക്‌സ് ബോര്‍ഡുകള്‍ കാണാം. സാക്ഷാല്‍ മലമ്പുഴയിലേക്കുള്ള വഴിയോരത്തും വി.എസിന്റെ തനി ചിത്രങ്ങള്‍. യു.ഡി.എഫിനോടും ഉമ്മന്‍ചാണ്ടിയോടും നൂറു ചോദ്യങ്ങള്‍ ആലേഖനം ചെയ്ത പോസ്റ്ററുകളില്‍ വി.എസ് കൈചൂണ്ടി നില്‍ക്കുന്ന ചിത്രങ്ങള്‍.
വ്യവസായകേന്ദ്രമായ കഞ്ചിക്കോട്ടേക്കുള്ള റൂട്ടിലാണ് മലമ്പുഴ. മലമ്പുഴ ഡാം, പുതുശേരി, പുതുപ്പരിയാരം, വള്ളിക്കോട്, മുണ്ടൂര്‍, ധോണി, ആനക്കല്ല് തുടങ്ങിയ മണ്ഡലത്തിലെ പ്രധാന കേന്ദ്രങ്ങളിലെ ഓട്ടപ്രദക്ഷിണം കഴിഞ്ഞപ്പോള്‍ കഴിഞ്ഞ തവണത്തേതുപോലൊരു വേലിയേറ്റം കാണാന്‍ കഴിഞ്ഞില്ല. ""വി.എസ് ജയിക്കും, പക്ഷേ ഭൂരിപക്ഷം കുറയും''-ശ്രീശക്തി ബസിലെ കടുത്ത ഇടതുപക്ഷക്കാരായ ഡ്രൈവര്‍ ഷാജുദ്ദീനും കണ്ടക്ടര്‍ വാസുദേവനും ഒരുപോലെ പറഞ്ഞു. 2011ല്‍ ജില്ലയിലെ ഏറ്റവും കൂടിയ ഭൂരിപക്ഷം (23,440) ഉണ്ടായിരുന്നു.
ജില്ലയിലെ 12 നിയോജകമണ്ഡലങ്ങള്‍ എല്‍.ഡി.എഫും (ഏഴ്) യു.ഡി.എഫും (അഞ്ച്) പങ്കിട്ടെടുക്കുകയായിരുന്നു. ഇത്തവണയും വലിയ മാറ്റങ്ങള്‍ ഉണ്ടാകാനുള്ള സാധ്യത കുറവാണ്. എങ്കിലും കോങ്ങാട് യു.ഡി.എഫ് സ്ഥാനാര്‍ഥി പന്തളം സുധാകരന്‍ ജയിക്കാന്‍ സാധ്യത ഏറെ. മലബാറിലെ ആദ്യത്തെ കുടിയേറ്റമേഖലയായ കാഞ്ഞിരപ്പുഴ, പാലക്കയം, ഇരുമ്പകച്ചോല ഒക്കെ ഈ മണ്ഡലത്തില്‍ വരും.
യു.ഡി.എഫിന്റെ യുവസിംഹം വി.ടി. ബല്‍റാം തൃത്താലയില്‍ വന്‍ ഭൂരിപക്ഷത്തോടെ വീണ്ടും ജയിക്കുമെന്ന് എല്ലാവരും പറയുന്നു. വെള്ളിയാങ്കലില്‍ ഭാരതപ്പുഴയുടെ തീരത്ത് കഴിഞ്ഞ വര്‍ഷം മുഖ്യമന്ത്രി ഉദ്ഘാടനം ചെയ്ത മനോഹരമായ പാര്‍ക്ക് അതിനു സാക്ഷി. പാര്‍ക്കില്‍ പൈതൃകോത്സവം നടക്കുന്നു. അവിടേക്ക് ഞായറാഴ്ച ഒഴുകിയെത്തിയത് ആയിരങ്ങള്‍. പാര്‍ക്കിനു നടുവില്‍ ഓപ്പണ്‍ എയറില്‍ ദുബൈയില്‍നിന്നെത്തിയ നാട്ടുകാരന്‍ ആര്‍ട്ടിസ്റ്റ് സദാനന്ദന്‍ കാരിക്കേച്ചര്‍ വരച്ചുകൊടുക്കുന്നു. പെണ്‍കുട്ടികള്‍ ഓടിക്കൂടി. തട്ടമിട്ടവരും ധാരാളം. കോട്ടയത്ത് ടോംസിനോടൊത്ത് ജോലിചെയ്തിട്ടുള്ള സദാനന്ദന്‍ ബോബനും മോളിയും വരച്ചുകൊണ്ടായിരുന്നു തുടക്കം. നിമിഷിന്റെ മകള്‍ നന്ദന ആദ്യം ഇരുന്നു കൊടുത്തു.
ഒരുപാടു കാര്യങ്ങള്‍ മണ്ഡലത്തില്‍ ചെയ്തുകൂട്ടിയെന്നതാണ് ബല്‍റാമിന്റെ കൈമുതല്‍. വി.ടി. ഭട്ടതിരിപ്പാടും അക്കിത്തവും എം.ടിയും ജനിച്ച സ്ഥലം. പൂമുള്ളി മനയും വൈദ്യര്‍ മഠവും നിളാനദിയുമൊക്കെ മണ്ഡലത്തിന്റെ പൈതൃകനിരയില്‍ വരും. ബി.എസ്‌സി, ബി.ടെക്, എല്‍എല്‍.ബി, എം.ബി.എ എന്നിത്രയും ബിരുദങ്ങളുണ്ട് ബല്‍റാമിന്. മെയ് 21ന് മുപ്പത്തെട്ടു തികയും. എതിരാളി സി.പി.എമ്മിലെ ജില്ലാ പഞ്ചായത്ത് പ്രസിഡന്റ്.സുബൈദ ഇസഹാക.്
ജില്ലയിലെ ഷൊര്‍ണൂര്‍, ഒറ്റപ്പാലം, കോങ്ങാട്, മലമ്പുഴ, തരൂര്‍, നെന്മാറ, ആലത്തൂര്‍ എന്നീ എല്‍.ഡി.എഫ് മണ്ഡലങ്ങളിലും തൃത്താല, പട്ടാമ്പി, മണ്ണാര്‍ക്കാട്, പാലക്കാട്, ചിറ്റൂര്‍ എന്നീ യു.ഡി.എഫ് മണ്ഡലങ്ങളിലും നടത്തിയ ഓട്ടപ്രദക്ഷിണത്തില്‍നിന്നു വ്യക്തമായത് സ്വന്തം തട്ടകങ്ങളില്‍ നടത്തിയ വികസനപ്രവര്‍ത്തനങ്ങളെ അടിസ്ഥാനമാക്കിയാണ് ഇത്തവണ ജനം വോട്ടു ചെയ്യുക എന്നാണ്. മത്സരിക്കുന്ന യു.ഡി.എഫ്, എല്‍.ഡി.എഫ് എംഎല്‍എമാരെ ജനം അങ്ങനെ വിലയിരുത്തും.
വി.എസിനു ഭൂരിപക്ഷം കുറയുമെങ്കില്‍ അതിനുള്ള കാരണം ജയിച്ചുകഴിഞ്ഞ് അദ്ദേഹം മണ്ഡലത്തിലേക്കു തിരിഞ്ഞുനോക്കിയിട്ടില്ല എന്നതാണ്. എതിര്‍വശത്ത് ഉമ്മന്‍ചാണ്ടി (പുതുപ്പള്ളി), കെ.എം. മാണി (പാലാ), രമേശ് ചെന്നിത്തല (ഹരിപ്പാട്), പി.കെ. കുഞ്ഞാലിക്കുട്ടി (വേങ്ങര) തുടങ്ങിയവര്‍ക്കെല്ലാം സ്വന്തം മണ്ഡലത്തിന്റെ നിറഞ്ഞ പിന്തുണയുണ്ട്. 93ലെത്തിയ വി.എസിന് കേരളം മുഴുവന്‍ സ്വന്തം തട്ടകമായി ലഭിച്ചതാണ് മലമ്പുഴയുടെ ദുര്യോഗം. അവിടെ മറ്റൊരു വി.എസ് - വി.എസ്. ജോയി - യു.ഡി.എഫിനുവേണ്ടി ഇക്കാര്യം എടുത്തുപറഞ്ഞ് വോട്ടു പിടിക്കുന്നു.
ഇടതുപക്ഷത്തെ തുറുപ്പുചീട്ടുകളായ പിണറായി (ധര്‍മടം), തോമസ് ഐസക് (ആലപ്പുഴ), എ.കെ. ബാലന്‍ (തരൂര്‍) തുടങ്ങിയവര്‍ ജയിക്കുമെന്നുറപ്പ്. വികസന മുദ്രാവാക്യവുമായി കോഴിക്കോട് നോര്‍ത്തിലെ സിപിഎം സ്ഥാനാര്‍ഥി എ.പ്രദീപ്കുമാറും വിജയം ഉറപ്പിച്ചവരില്‍ ഒരാളാണ്.
കെ. മുരളീധരനും ടി.എന്‍. സീമയും കുമ്മനം രാജശേഖരനും കൊമ്പുകോര്‍ക്കുന്ന വട്ടിയൂര്‍ക്കാവ്; പത്മജ വേണുഗോപാല്‍ സിപിഐയിലെ വി.എസ്. സുനില്‍കുമാറിനെ നേരിടുന്ന തൃശൂര്‍; വി.കെ.സി ഗ്രൂപ്പ് ഉടമയും സി.പി.എമ്മിന്റെ കോഴിക്കോട് മേയറുമായ വി.കെ. മമ്മദുകോയ മത്സരിക്കുന്ന ബേപ്പൂര്‍; ഫ്രാന്‍സിസ് ജോര്‍ജും റോഷി അഗസ്റ്റിനും മല്ലിടുന്ന ഇടുക്കി; വി. ശിവന്‍കുട്ടിയും ബി. സുരേന്ദ്രന്‍പിള്ളയും ഒ. രാജഗോപാലും മത്സരിക്കുന്ന നേമം; കെ.ബി. ഗണേഷ്കുമാര്‍, ജഗദീഷിനെയും ഭീമന്‍ രഘുവിനെയും നേരിടുന്ന പത്തനാപുരം; കെ. ബാബു, എം. സ്വരാജിനോടു പടവെട്ടുന്ന തൃപ്പൂണിത്തുറ; സെബാസ്റ്റ്യന്‍ പോള്‍ പി.ടി. തോമസിനെ നേരിടുന്ന തൃക്കാക്കര; വി.ഡി. സതീശന്‍, ശാരദാ മോഹനെ നേരിടുന്ന പറവൂര്‍; 35 വര്‍ഷമായി എംഎല്‍എ ആയ കെ.സി. ജോസഫ്, കെ.ടി. ജോസിനെ നേരിടുന്ന ഇരിക്കൂര്‍.... കേരളത്തിലെ ശ്രദ്ധേയമായ മണ്ഡലങ്ങളില്‍ ഇവയൊക്കെ വരും.
പുതുപ്പള്ളിയില്‍ 1970 മുതല്‍ സാമാജികനായ ഉമ്മന്‍ചാണ്ടിക്ക് ഇതാ മറ്റൊരു ബലിയാടുകൂടി - എസ്.എഫ്.ഐ സംസ്ഥാന പ്രസിഡന്റ് ജെയ്ക്ക് വി. തോമസ്. വി.എന്‍. വാസവന്‍, ചെറിയാന്‍ ഫിലിപ്പ്, സിന്ധു ജോയി, സുജ സൂസന്‍ ജോര്‍ജ് തുടങ്ങിയവര്‍ക്കു ശേഷം. തന്റെ രാഷ്ട്രീയ ജീവിതത്തിലെ ഏറ്റം വലിയ വെല്ലുവിളികള്‍ - സരിത നായരുടെ സോളാര്‍ തട്ടിപ്പ്, ബാര്‍ കോഴ കേസ് - അതിജീവിച്ച ഉമ്മന്‍ചാണ്ടിക്ക് ഇത് വെറുമൊരു വാക്കോവര്‍.
ജയിക്കാനായി ജനിച്ചവന്: തൃത്താലയിലെ വി.ടി. ബല്‍റാം, വലത്ത്: പത്‌നി അനുപമയോടൊപ്പം ദുബൈയില്.
വി.എസ്, പിണറായി: പ്രതിയോഗികള് ഒരേ പ്ലാറ്റ്ഫോമില്.
മലമ്പുഴയില് വി.എസിന്റെ ഫ്‌ളെക്‌സ് ബോര്‍ഡ്.
വി.എസ്. ജയിക്കാം, പക്ഷേ...: മലമ്പുഴയിലെ ഷാജുദ്ദീനും വാസുദേവനും.
തൃത്താലയില്‍ പെരിങ്ങോട്ട് സുബൈദയുടെ പോസ്റ്ററിനു മുമ്പില്‍ ആരാധകന് വേണുഗോപാല്‍.
നിളാതീരത്തെവെള്ളിയാങ്കലില്സദാനന്ദന്റെകാരിക്കേച്ചര് വര്‍ക്ക്‌ഷോപ്പ്.
യു.ഡി.എഫ് ത്രിമൂര്ത്തികള് ഉമ്മന്‍ചാണ്ടി, കെ.എം. മാണി, പി.കെ. കുഞ്ഞാലിക്കുട്ടി എന്നിവര് സച്ചിന്‍ തെണ്ടുല്ക്കറിനൊപ്പം.
മത്സരിക്കുന്ന കൂടെപ്പിറപ്പുകള്: കെ. മുരളീധരനും പത്മജ വേണുഗോപാലും മന്മോഹന് സിംഗിനൊപ്പം; ചെന്നിത്തല നടുവില്‍.
കോങ്ങാട് മത്സരിക്കുന്ന പന്തളം സുധാകരന്‍ എം.ടി.യോടൊപ്പം.
സോളാര്‍ പ്രതി സരിത നായരുടെ തല്സ്വരൂപം.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala