ലണ്ടന്‍ സെന്റ് ജോസഫ് മലങ്കര കത്തോലിക്കാ ദേവാലയത്തില്‍ തിരുനാള്‍ ആഘോഷിച്ചു
Published on 11 May, 2016
ലണ്ടന്‍: മലങ്കര കത്തോലിക്കാ സഭയുടെ വെസ്റ്റ് ലണ്ടന്‍ സെന്റ് ജോസഫ് മലങ്കര ദേവാലയത്തില്‍ വിശുദ്ധ യൗസേപ്പിതാവിന്റെയും വിശുദ്ധ ഗീവര്‍ഗീസ് സഹദായുടേയും തിരുനാള്‍ മാര്‍ ഈവാനിയോസ് സെന്ററില്‍ (സെന്റ് ആന്‍സ് ചര്‍ച്ച്) ആഘോഷിച്ചു.
മേയ് എട്ടിനു ബത്തേരി രൂപത അധ്യക്ഷന്‍ ഡോ. ജോസഫ് മാര്‍ തോമസ് മെത്രാപ്പോലീത്തായേയും അതിഥികളെയും ദേവാലയ കവാടത്തില്‍ ഫാ. ദാനിയേല്‍ കുളങ്ങര കത്തിച്ച മെഴുകുതിരി നല്‍കി സ്വീകരിച്ചു. തുടര്‍ന്നു ഇടവക ട്രസ്റ്റി ജിജോ മടുക്കക്കുഴി, സെക്രട്ടറി ആന്റോ ജോണ്‍ എന്നിവര്‍ പൂച്ചെണ്ടു നല്‍കി. ഇടവകാംഗവും പിതൃവേദിയുടെ കോ-ഓര്‍ഡിനേറ്ററുമായ ഏബ്രഹാം കുരുവിള ഷാള്‍ അണിയിച്ച് പിതാവിനെ ദേവാലയത്തിലേക്ക് ആനയിച്ചു.
തുടര്‍ന്നു നടന്ന തിരുനാള്‍ ദിവ്യബലിക്കു ഡോ. ജോസഫ് മാര്‍ തോമസ് മെത്രാപ്പോലീത്ത മുഖ്യകാര്‍മികത്വം വഹിച്ചു. കോ-ഓര്‍ഡിനേറ്ററും വികാരിയുമായ ഫാ. ദാനിയേല്‍ കുളങ്ങര, ഫാ. ജോസഫ് സേവ്യര്‍ എന്നിവര്‍ സഹകാര്‍മികരായിരുന്നു. ഭക്തിനിര്‍ഭരമായ തിരുനാള്‍ റാസ, സ്‌നേഹവിരുന്ന് എന്നിവയ്ക്ക് കമ്മിറ്റി അംഗങ്ങളും പാസ്റ്റര്‍ കൗണ്‍സില്‍ അംഗങ്ങളായ ജോസഫ് പുത്തന്‍പറമ്പില്‍, പ്രകാശ്, ചാക്കോ എന്നിവര്‍ നേതൃത്വം നല്‍കി.
തുടര്‍ന്നു നടന്ന പൊതുസമ്മേളനത്തില്‍ സെന്റ് ജോസഫ് കത്തോലിക്കാ ദേവാലയത്തിന്റെ ശുശ്രൂഷ മേഖലയിലേക്ക് സണ്‍ഡേ സ്‌കൂള്‍ അധ്യാപികമാരായി ഫിലോമി കോവൂര്‍, ജൂലി പ്രകാശ്, മഞ്ജുഷിന്‍, അള്‍ത്താര ബാലസഖ്യം കോഓര്‍ഡിനേറ്ററായി സാവിയോ മനോജ്, യൂത്ത് കോഓര്‍ഡിനേറ്ററായി മൈക്കിള്‍, മാതൃവേദിയുടെ കോ-ഓര്‍ഡിനേറ്ററായി സാറമ്മ ടീച്ചര്‍, പിതൃവേദിയുടെ കോ-ഓര്‍ഡിനേറ്റര്‍ ഏബ്രഹാം കുരുവിള, ഇടവക പ്രാര്‍ഥന യോഗത്തിന്റെ കോ-ഓര്‍ഡിനേറ്ററായി ചാക്കോ എന്നിവര്‍ക്കു ഡോ. ജോസഫ് മാര്‍ തോമസ് കത്തിച്ച മെഴുകുതിരി നല്‍കി ശുശ്രൂഷദൗത്യം നല്‍കി.
ഇടവക ട്രസ്റ്റി ജിജോ മടുക്കക്കുഴി, സഭയുടെ യുകെ നാഷണല്‍ പാസ്റ്ററല്‍ കൗണ്‍സില്‍ അംഗം ഡോ. അനൂജ് ജോഷ്വാ, ഡോ ബോസ് ശങ്കരത്തില്‍, സെക്രട്ടറി ആന്റോ ജോണ്‍ എന്നിവര്‍ പ്രസംഗിച്ചു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala