ന്യൂയോര്ക്ക്: രാഷ്ട്രപതിയുടെ ക്ഷണം സ്വീകരിച്ചു രാജ്യ സഭയിലേക്ക് പോകുന്ന പ്രശസ്ത
ചലച്ചിത്ര താരം ഭരത് സുരേഷ് ഗോപിയെ ന്യൂയോര്ക്കിലെ മലയാളി ഹിന്ദു മണ്ഡലം ( മഹിമ )
പ്രവര്ത്തകര് അഭിനന്ദിച്ചു . കാല് നൂറ്റാണ്ടിലേറെയായി മലയാള ചലച്ചിത്ര വേദിയില്
തന്റെതായ വ്യക്തി മുദ്ര പതിപ്പിച്ച ശ്രീ സുരേഷ് ഗോപി എന്നും ജന പക്ഷത്തു നിന്ന്
പ്രതികരിച്ച കലാകാരന് ആണെന്ന് മഹിമ നിരീക്ഷിച്ചു . സാധാരണ ജനങ്ങളുടെ ജീവത
പ്രശ്നങ്ങളില് സജീവമായി ഇടപെടാറുള്ള അദ്ദേഹത്തിന് വര്ഷങ്ങളായി ജനസേവനം
നിശബ്ദമായ് ഒരു ജീവിത ചര്യയാണ് . പുതിയ സ്ഥാന ലബ്ധിയിലൂടെ രാഷ്ട്രീയമായ
അടിച്ചമര്ത്തലുകളില് ആണ്ടു പോയ ജന വിഭാഗങ്ങളുടെ സ്വതന്ത്ര ശബ്ദം രാജ്യത്തു ഉയരും
എന്ന് മലയാളി ഹിന്ദു മണ്ഡലം ഭാരവാഹികള് പ്രത്യാശിച്ചു .
ജീവന സമരങ്ങളുടെ
നാള് വഴികളില് എഴുതി ചേര്ക്ക പെടേണ്ട ഒരു സുവര്ണ്ണ അധ്യായം ആയി ഇതിനെ "മഹിമ"
സ്വാഗതം ചെയ്യുന്നു . കേന്ദ്ര സരക്കാരില് പൊതു സമ്മതനായ കേരളത്തിന്റെ ആര്ജവം ഉള്ള
ഒരു പ്രതിനിധിയെ അയയ്ക്കാന് കഴിഞ്ഞതില് കേരളത്തിന് അഭിമാനിക്കാന് വകയുള്ളതാണ് ഈ
അവസരം . കേരളത്തിന്റെ പൊതുവായ വികസനത്തിലും ,വിശേഷ്യ കുടി വെള്ള സ്രോതസുകളുടെ
സംരക്ഷണത്തിലും അദ്ദേഹത്തിന്റെ പ്രത്യേക ശ്രദ്ധ ഉണ്ടാകും എന്നറിഞ്ഞത് വലിയ കാര്യം
ആണെന്ന് മഹിമ വിലയിരുത്തി . വികസനത്തില് 25 വര്ഷം മുന്നോട്ടുള്ള ഒരു കേരളം ആണ്
താന് വിഭാവനം ചെയ്യുനതു എന്ന് ശ്രീ സുരേഷ് ഗോപി അറിയിച്ചു . രാജ്യസഭാ അംഗം ആയി
അദ്ദേഹത്തിന് സ്തുത്യര്ഹമായ് പ്രവര്ത്തിക്കാന് , "മഹിമ "എല്ലാ ഭാവുകങ്ങളും
നേര്ന്നു .