അഞ്ചേരിക്കൊരു മറുപടി 

ഒരു മോശമല്ലാത്ത ഗാനം എന്ന വായനക്കാരന്റെ തീർപ്പിനോട് ഞാനും യോജിക്കുന്നു.  ഒ. എൻ.വി കുറുപ്പും വയലാറുംമൊക്കെ കവികളായിരുന്നു എങ്കിലും അവരുടെ നല്ല ഗാനങ്ങളെ കവിതകൾ എന്ന് ആരും വിളിച്ചിരുന്നില്ല. ഒരു ഗാനം എഴുതിയതിനു ശേഷം  അവരും ഒരിക്കലും അവകാശപ്പെട്ടിരുന്നില്ല ഒരു നല്ല കവിത എഴുതിയെന്നു.  ഗാനത്തിൽ കവിത കണ്ടെത്തുന്നത് വായനക്കാരാണ്.   ഇവിടെ 

"കരളിലെ ഒളിവഞ്ചി കനൽക്കട്ടയായി അതിൽ 

കരൾനൊന്തു പാടുന്ന കവിയായി ഞാൻ " എന്നതിന് പകരം   'പാടും കാമുകനായി' എന്നായിരുന്നു എങ്കിൽ അത് ഉചിതമായിരുന്നെനെ.  എന്നാൽ ഈ ഗാന രചയിതാവിന്റെ 'കവിയെക്കുറിച്ചുള്ള ' സങ്കലപ്പത്തോട് യോചിക്കാൻ കഴിയാത്തതുകൊണ്ടായിരിക്കും വായനക്കാരൻ അതിനെ ഗാനം എന്ന് വിളിച്ചത്.  പ്രണയം പൂത്തുലയുന്നതും അതുപോലെ കൊഴിയുന്നതും ഒടുവിൽ ദുഖമായി, മാറാലയായി മനസിന്റെ കോണിൽ അവിടെവിടെയായി തൂങ്ങി നില്ക്കുന്നതും ഗാന രചയിതാവ് നാന്നായി ഗാനത്തിലൂടെ ചിത്രീകരിച്ചിരിക്കുന്നു .

ഇത്രയും പറഞ്ഞ സ്ഥിതിക്ക് കവിത എന്താണ് എന്നതിനെ കുറിച്ച് ഞാൻ മനസിലാക്കിയിരിക്കുന്നത് പറഞ്ഞില്ലെങ്കിൽ മോശമല്ലേ എന്നത് കൊണ്ട് രണ്ടു വാക്ക് പറയട്ടെ.  ഒരു കവി അതിനെ നിർവചിച്ചതിങ്ങനെയാണ്;  "പ്രഭാതം പൊട്ടിവിടരുന്ന പ്രക്രിയയിൽ കുടുങ്ങിയ ഒരു സങ്കല്പം " എന്നാണു.  

ഈ നിർവചനത്തോട് ചേർത്ത് വച്ച് ചോല്ലാവുന്ന ഒരു കവിതയാണ് കുമാരനാശാന്റെ  'ഈശ്വരൻ '

"ഓമൽ പ്രഭാത രുചിയെങ്ങും ഉയർന്ന നീല

വ്യോമസ്ഥലം സ്വയം എരിഞ്ഞെഴും അർക്ക ബിംബം 

ശ്രീമദ്ധാരത്രിയെ പണി ചെയ്യത കയ്യിൻ 

കേമത്തം ഒർത്തിവനു നീർ കവിയുന്നു കണ്ണിൽ "  

കവിയുടെ ഈശ്വരനെക്കുറിച്ചുള്ള സങ്കല്പം  "പ്രഭാതം പൊട്ടിവിടരുന്ന പ്രക്രിയയിൽ കുടുങ്ങിയപ്പോൾ'  ഒരു മനോഹര കവിത ജനിച്ചിരിക്കുന്നു.  പക്ഷെ ഇതിനെ ദയവു ചെയ്യുത് "സ്വപ്നത്തിലെ പൂച്ച" -യോടും (നമ്പിമടം) "അപ്രസക്തയാന്ത്രികദിനം" (പ്രൊഫസ്സ്ർ. കുഞ്ഞാപ്പു ) (പ്രാഭാതം കവിതക്കുള്ളതാണെന്ന വരിയോഴിച്ചു)  കവിതതകഥാകവിതയോടും ഉപമിക്കരുതെ എന്ന് അപ്കേഷിക്കുന്നു.  ഇവർ എഴുതുന്നത് എന്തായാലും വായനക്കാരോട് ആശയ വിനിമയം നടത്തുന്നില്ല. അതികൊണ്ടാണ് വായനക്കാരുമായി ഇവർ നിരന്തരം സംഘർഷത്തിൽ ആകുന്നതു.  അതല്ലെങ്കിൽ ഫ്രോയിഡിന്റെ  ലിബിഡോയെ അടിച്ചമർത്തുന്ന തിയറിയാണ് കവിതയുടെ പിന്നിലെ ആശയം എന്നും. അല്ലെങ്കിൽ പ്രൊഫ്‌.കുഞ്ഞാപ്പു തന്റെ കവിത മറ്റുള്ളവരെകൊണ്ട് തര്‍ജ്ജമ ചെയ്പ്പിച്ചും ഒക്കെ വായനക്കാരെ മനസിലാക്കി കൊടുക്കേണ്ടുന്ന ഗതികേടിൽ എത്തി ചേരുന്നത്.  കവിത ആയാലും കഥയായാലും അത് വായനക്കാരോട് സംവ്ടിക്കുന്നില്ല എങ്കിൽ എന്ത് പ്രയോചനം ?  പിന്നെ നിങ്ങൾ ഒരുട്ടി തരുന്നത് അതേപടി വിഴുങ്ങാൻ വായനക്കാർ നിങ്ങളുടെ ഒക്കത്തിരിക്കുന്ന കുഞ്ഞുങ്ങൾ ഒന്നും അല്ലല്ലോ?