കന്‍സാസ് സിറ്റി, മൊണ്ടാന : വാരാന്ത്യത്തില്‍ ആശുപത്രി കിടക്കയില്‍ കിടക്കുകയായിരുന്ന ഭാര്യയെ കഴുത്ത് ഞെരിച്ച് കൊലപ്പെടുത്തിയ കേസില്‍ ഭര്‍ത്താവും  മിസോറി പൗരനുമായ റോണി വിഗ്‌സ്(72) രണ്ടാം ഡിഗ്രി കൊലപാതക കുറ്റം നേരിടുന്നുണ്ടെന്ന് ജാക്സണ്‍ കൗണ്ടി പ്രോസിക്യൂട്ടര്‍ ജീന്‍ പീറ്റേഴ്സ് ബേക്കര്‍ അറിയിച്ചു.രണ്ടാം ഡിഗ്രി കൊലപാതക കുറ്റത്തിന് വിഗ്സ് തിങ്കളാഴ്ച ആദ്യമായി ഹാജരായി.

ഡയാലിസിസിന്  ആശുപത്രിയിലെത്തിയ ഭാര്യയെ കൊലപ്പെടുത്തിയത് താനാണെന്ന് റോണി വിഗ്‌സ് പോലീസിനോട് സമ്മതിച്ചതായി കോടതി രേഖകളില്‍ പറയുന്നു.

മെയ് 3 വെള്ളിയാഴ്ച, രാത്രി 11:30 ന് മുമ്പ്, മിസൗറിയിലെ ഇന്‍ഡിപെന്‍ഡന്‍സിലുള്ള ഒരു ഹോസ്പിറ്റലിലായിരുന്നു സംഭവം. ഞാന്‍ അത് ചെയ്തു, ഞാന്‍ അവളെ കൊന്നു, ഞാന്‍ അവളെ ശ്വാസം മുട്ടിച്ചു' എന്ന് വിഗ്‌സ് പറയുന്നത് മെഡിക്കല്‍ സ്റ്റാഫ് കേട്ടിരുന്നു. അവളെ ശ്വാസം മുട്ടിക്കുകയും നിലവിളിക്കാതിരിക്കാന്‍ മൂക്കും വായും മൂടുകയും ചെയ്തതായി വിഗ്‌സ് സമ്മതിച്ചതായി പ്രോസിക്യൂട്ടര്‍മാര്‍ പറഞ്ഞു.