കൊച്ചി: പാലാരിവട്ടം പാലം അഴിമതി കേസില് മുന് പൊതുമരാമത്ത് മന്ത്രി വി.കെ.ഇബ്രാഹിംകുഞ്ഞിനെതിരെ ടി.ഒ.സൂരജ്. കരാറുകമ്പനിക്ക് മുന്കൂര് പണം നല്കാന് അനുമതി നല്കിയത് ഇബ്രാഹിംകുഞ്ഞായിരുന്നു എന്ന് പൊതുമരാമത്ത് വകുപ്പ് മുന്സെക്രട്ടറിയായിരുന്ന ടി.ഒ.സൂരജ് പറഞ്ഞു. ഹൈക്കോടതിയിലാണ് സൂരജ് ഇക്കാര്യം അറിയിച്ചത്. കരാര് വ്യവസ്ഥയില് ഇളവ് ചെയ്യാനും കോടിക്കണക്കിന് രൂപ പലിശ ഇല്ലാതെ മുന്കൂര് നല്കാനും ഉത്തരവിട്ടത് അന്നത്തെ പൊതുമരാമത്ത് വകുപ്പ് മന്ത്റിയായിരുന്നു ഇബ്രാഹിംകുഞ്ഞാണെന്ന് ടി.ഒ.സൂരജ് ഹൈക്കോടതിയില് അറിയിച്ചു. പാലാരിവട്ടം പാലം അഴിമതി കേസില് റിമാന്ഡിലാണ് ടി.ഒ.സൂരജ്.
സൂരജ് സമര്പ്പിച്ച ജാമ്യ ഹര്ജിയിലാണ് ഇബ്രാഹിംകുഞ്ഞിനെതിരെ ഗുരുതരമായ ആരോപണം ഉന്നയിച്ചിരിക്കുന്നത്. താന് അഴിമതി ചെയ്തിട്ടില്ലെന്നും വിജിലന്സ് ആരോപിക്കുന്ന കു?റ്റങ്ങള് ചെയ്യാന് രേഖാമൂലം ഉത്തരവിട്ടത് വി.കെ.ഇബ്രാഹിംകുഞ്ഞാണെന്നും സൂരജ് ജാമ്യഹര്ജിയില് പറയുന്നു,
കരാറിന് വിരുദ്ധമായി എട്ട് കോടി 25 ലക്ഷം രൂപ ആര്.ഡി.എസ് കമ്പനിക്ക് നല്കിയെന്നത് ശരിയാണ്. എന്നാല് ആ തീരുമാനം തന്റേതായിരുന്നില്ല. ചട്ടങ്ങള്ക്കും വ്യവസ്ഥകള്ക്കും വിരുദ്ധമായി ഇത്രയും കോടി രൂപ കമ്പനിക്ക് നല്കാന് രേഖാമൂലം ഉത്തരവിട്ടത് അന്ന് മന്ത്റിയായിരുന്ന ഇബ്രാഹിംകുഞ്ഞാണെന്ന് സത്യവാങ്മൂലത്തിലുണ്ട്. മുന്കൂര് പണത്തിന് പലിശ ഈടാക്കാനുള്ള നിര്ദേശം ഉത്തരവിലുണ്ടായില്ല. എന്നാല്, താനാണ് ഏഴ് ശതമാനം പലിശ ഈടാക്കാന് ഉത്തരവില് കുറിപ്പെഴുതിയതെന്നും ടി.ഒ.സൂരജ് വ്യക്തമാക്കുന്നു.