പുഞ്ചിരി പൂക്കള് പൊട്ടിവിടരും പ്രഭാതമീ
വാലന്റയിന്റെ ദിനം, സുന്ദരം, സുമോഹനം
ആര്ദ്രമാകുന്ന, സ്നേഹ ഭാവങ്ങള് പകരുന്ന
പുലരി തുടിപ്പിന്റെ ശോണിമ കാണുന്നില്ലേ?
വരുവിന് പ്രേമിക്കുവിന്, പങ്കു വഹിക്കുവിന് നിങ്ങള്
ജീവിത മധുവിന്റെ തെറിക്കും കണങ്ങളെ
സ്വപ്ന ഹാരവും പിടിജ്ഞന കണ്ണാല്
മനോജ്ഞാംഗികള് തൊടുക്കുന്ന ശരങ്ങള് പൂവ്വമ്പന്റെ
തൊട്ടു തൊട്ടില്ലെന്നവ മുട്ടുന്ന മനസ്സുകള്
ആര്ത്തിപൂണ്ടിടംവലം നോക്കുകയായി പിന്നെ
ആരുടെ പതിയെന്നും, ആരുടെ പത്നിയെന്നും
ചിന്തിച്ചു പുണ്ണാക്കല്ലെ ഈ ഒരു ദിനം മാത്രം
ബന്ധുര കൂട്ടില് നിങ്ങള് താലിമാലകള് ചാര്ത്തി
അടച്ച കിളികുഞ്ഞിന് കരച്ചില് കേള്ക്കുന്നില്ലേ?
തുറന്നുവിട്ടീടുക പാവമകിളിയിന്നീ
മണ്ണിന്റെ ഭംഗി നുകര്ന്നെങ്ങുമെ പറക്കട്ടെ
വിണ്ണില് നിന്നെത്തും, സ്വപ്ന സുന്ദരിമാരീരാവില്
തുറന്നു വച്ചീടുക നിങ്ങള് തന് കവാടങ്ങള്
ഗന്ധര്വന്മാരും രാഗഗീതികള് പാടാനെത്തും
കാമിനിമാരെ നിങ്ങള് ഉറങ്ങാതിരിക്കുവിന്
(അക്ഷരക്കൊയ്ത്ത് കാവ്യസമാഹാരം പുറം 40)
Life without romance is like a barren desert
Fill your life with beautiful flowers of all kind
Fill your glasses with bubbling wine
Embrace your love, let there be no more you and her