ന്യൂഡല്ഹി: പ്രവാസി വിവാഹങ്ങള് ഇന്ത്യയില്
രജിസ്റ്റര് ചെയ്യുന്നതിന് ആധാര് നിര്ബന്ധമാക്കണമെന്ന് ശുപാര്ശ. വിവിധ
മന്ത്രാലയങ്ങളുടെ പ്രതിനിധികള് ഉള്പ്പെട്ട സമിതി കേന്ദ്ര വിദേശകാര്യ
മന്ത്രാലയത്തിനാണ് ഇതുസംബന്ധിച്ച ശുപാര്ശ നല്കിയത്. ഭര്ത്താവ്
ഉപേക്ഷിക്കുന്ന സാഹചര്യവും ഗാര്ഹിക പീഡനവും അടക്കമുള്ളവ നേരിടേണ്ടിവരുന്ന
സാഹചര്യങ്ങള് ഒഴിവാക്കാനാണിത്.
വിവിധ രാജ്യങ്ങളുമായി ഏര്പ്പെട്ടിട്ടുള്ള കുറ്റവാളികളെ കൈമാറുന്നതിനുള്ള
കരാറുകളില് മാറ്റം വരുത്തണമെന്നും സമിതി ശുപാര്ശ ചെയ്തിട്ടുണ്ട്.
ഗാര്ഹിക പീഡനക്കേസില് ഉള്പ്പെടുന്നവരെയും രാജ്യത്ത് എത്തിക്കാന്
കഴിയുംവിധം കരാറില് മാറ്റം വരുത്തണമെന്നാണ് ആവശ്യം.