സ്ഥിതിയിത്
നിരന്തര ചഞ്ചലിതം,
കാലമിത്
അതിദ്രുത പമ്പരം.
***** ***** ***** ****
തത്വങ്ങള്
തോലുരിയും
നാഗസാഗരം.
***** ***** ***** ****
ആട്ടിന് തോലണിഞ്ഞ
രക്ത രക്ഷസ്സാം
ലഹരിമോന്തിയ മാനവീയം.
!!!!!!!!!!!!!!!!!!!!!!!!!!!!!!!!!!!!!!!!!!!!!!!
ചുംബിച്ചു വില്ക്കും വിപ്ലവം
മായാമോഹവിഹാരനടനം:
***** ***** ***** ****
ഇത്തരമായ്,
രുദ്രമായ്,
ചാമ്പലാക്കുന്നിവര്
നമ്മുടെ അമ്മ വീട്.
***** ***** ***** ****
ഇന്നമ്മതന്
ചോരയും നീരും
ഊറ്റി രസിപ്പോരാം
ഇക്കശ്മല-
ദുരാഗ്രഹക്കൂട്ടങ്ങള്:
ചപ്പും ചവറും
ഗോഗ്വാ വിളികളും
പട്ടിയും
ഹിംസ്ര ജന്തുക്കളും കൊണ്ട്,
കോഴിക്കുടലും പശുപ്പണ്ടങ്ങളും
തെണ്ടിപ്പരിഷത്തുപ്പലും
നാറ്റിത്തൂത്തൂളുന്നൂ
നിരത്തുകള് തോറും.
***** ***** ***** ****
ഇത്തെമ്മാടി-
പ്പുതുപ്പണക്കൂട്ടങ്ങടെ
ഗര്വ്വാം വാഹനം
മുട്ടി വീഴും
അശരരണരുടെ
അന്ത്യശ്വാസച്ചുടുചോരയും
ശ്വസിച്ചുള്ളു
നരകമാക്കി
ക്രൂരരിവര്
വിഷക്കിരീടാഭി ഷേകം ചെയ്യുന്നമ്മയെ.
***** ***** ***** ****
തെരുവു പോക്കിരികള്ക്ക്
സാധുക്കടെ കണ്ണുതുളയ്ക്കാന്,
തലപിളര്ത്താര്ത്തു രസിക്കാന്,
ട്രൈയിനിലേക്കെറിയും കല്ലാല്,
കീറപ്പ്ളാസ്റ്റിക്് പരവതാനി മൂടിയ
പുഴകളാല്,
ആഫ്രിക്കന് പായല് പന്തല് വിരിച്ച
വയലേലകളാല്,
വൃദ്ധ മദ്ധ്യവയസ്ക്കരുടെ
ബാല ശിശു വേഴ്ച്ചകളാല്,
കാമം മൂത്തമ്മ
കാമുകനോടൊക്കാന്
കൊല്ലും
മക്കടെ തുറുകണ്ണുകളാല്,
ലിംഗോദ്ധാരണ -
നരകവ്യാധി
പൂണ്ടച്ഛന് സ്ഖലിച്ച
മകളുടെ തുട -
യിടുക്കില് സ്രവിച്ച
മരണച്ചോരയാല്,
വിഷം ചീറ്റുമൊരു
കാര്ക്കോടക സര്പ്പം
ചുറ്റിത്തകരും
കേരള ജനനീ....
ഇത്തിരി
പോരുമൊരാശ്വാസത്തിന്
തണലണയ്ക്കാനില്ലല്ലോ...
നിന്നുടെ വാര്കൂന്തലാം
ശുദ്ധനീലം തഴച്ച
ഹരിതവനമൊട്ടുമെങ്ങും....
***** ***** ***** ****
കായ്ക്കും വാഴയിലും
പൂക്കും കതിര്ക്കുലയിലും
വിഷം;
വിഷം മാത്രം.
വിത്തിടുന്നതും വിഷത്തില്
മുളയ്ക്കുന്നതും വിഷത്തില്,
തളിര്പ്പതും വിഷത്തില്,
കൊയ്തുവില്പ്പതും വിഷത്തില്:
ചാരേ വാഴും കൃഷിവണിക്കുകളും
ഇതു കേരളാവുക്കെന്ന്
തമിഴ്ത്തായ് വഴികളും.
***** ***** ***** ****
മന്ത്രികളും സിനിമാക്കാരും
ഒരേപോലെ
ഫ്ളെക്സുകളില്
ചിരി വഴിയുന്നൂ,
ജനം
മൂക്കൂ പിഴിയുന്നൂ,
ഓക്കാനം കൊണ്ടു
കോക്രികാട്ടുന്നൂ
നാറ്റമെവിടെയും.
!!!!!!!!!!!!!!!!!!!!!!!!!!!!!!!!!!!!!!!!!!
ഭരണ രാഷ്ട്രീയ താവളങ്ങളില്
സൈ്വരിണികള്
ഇറച്ചിക്കറി
വിറ്റു വിലസ്സുന്നൂ....
***** ***** ***** ****
നമ്മുടെ ജന്മനാട്, അമ്മ വീട്,
ചിട്ടിയിട്ടെടുത്ത
ക്രൂശിതന്റെ
അങ്കി പോലെ.