തൃശൂര്‍: ഈ വര്‍ഷത്തെ കേരള സാഹിത്യ അക്കാഡമി അവാര്‍ഡുകള്‍ പ്രഖ്യാപിച്ചു. നോവലിനുള്ള അവാര്‍ഡിന് യുവ എഴുത്തുകാരി കെ.ആര്‍.മീരയുടെ ആരാച്ചാര്‍ എന്ന കൃതി അര്‍ഹമായി. ഈ വര്‍ഷത്തെ വയലാര്‍ അവാര്‍ഡും കഴിഞ്ഞ വര്‍ഷത്തെ ഓടക്കുഴല്‍ അവാര്‍ഡും ഈ നോവലിന് ലഭിച്ചിരുന്നു.

കവിതയ്ക്കുള്ള പുരസ്‌കാരം കെ.ആര്‍.ടോണിയുടെ മാനിഷാദ എന്ന കൃതിക്ക് ലഭിക്കും. ചെറുകഥാ വിഭാഗത്തില്‍ തോമസ് ജോസഫിന്റെ 'മരിച്ചവര്‍ സിനിമ കാണുകയാണ്' എന്ന കൃതിയും ഭാഗ്യലക്ഷ്മിയുടെ സ്വരഭേദങ്ങള്‍ എന്ന കൃതി ജീവചരിത്ര വിഭാഗത്തിലും അവാര്‍ഡിന് അര്‍ഹമായി.