ഇവിടെ പലപല പ്രസ്ഥാനങ്ങള്
ഇവരുടെയൊക്കെ കുത്തക പോലെ
ഒരുവനു ചില്ലറ കിട്ടാന് മോഹം
അപരനു പേരില് വ്യാമോഹം !
ചില്ലറയിട്ടോടി നടന്നൊരു വിരുതന്
അല്ലറചില്ലറ മടിശീലക്കാര്
അവാര്ഡുകളൊക്കെ വാങ്ങിക്കൂട്ടും
അക്ഷരസ്നേഹിതളെളന്നൊരു നാട്യം !
കാശു കൊടുത്തെഴുതിച്ചിട്ട്
കാലുകള് വാരി നടക്കും കൂട്ടര് !
സാഹിത്യത്തിന് വ്യഭിചാരികളാം
അക്ഷരവൈരികളൊഴുകി നടന്നു.
പെണ്ണിനു പുണ്യം, വേറൊരു കൂട്ടര് !
അവരെപ്പൊക്കി നടക്കും എവിടെയും
ഞണ്ടുകള് പോലെ നടക്കും കൂട്ടര്
തണ്ടന്മാരെവിടെയുമിവിടെ !
അര്ഹതയില്ലാത്തോര്ക്ക്
അവാര്ഡു കൊടുക്കും കൂട്ടര്
അവരെ പൊക്കി എഴുതും കൂട്ടര്
അങ്ങനെയങ്ങനെ വൃത്താന്തങ്ങള് !
പരസ്പരമവരു ചൊറിഞ്ഞു നടന്നു
പരദേശികളാം വിരുതന്മാര്
എന്തിനു പറയിട്ടിവിടെ വിശേഷം
എന്തിനുമേതിനുമൊരു തനിനിറം !!
പുത്തനെഴുത്തിന് തലമുറ വന്നു
ഈ പത്രങ്ങള് നാറ്റിച്ചു
പൊട്ടി മുളച്ചൊരീ കൂണുകളെവിടെയും
പുതുമഴ പെയ്തൊരു നേരത്ത് !
പുത്തനച്ചികള് പുരപ്പുറം തൂത്തു
പത്രത്തിന്റെ താളുകളിലവരുടെ
ഫോട്ടോ വന്നു തരുണികളായ്
എന്തിനു പറയട്ടിവിടെ വിശേഷം !
ബഹുവിശേഷം !