നോര്ത്ത് അമേരിക്കന് ഭദ്രാസന വൈദിക സമ്മേളനം ഹ്യൂസ്റ്റണില്
അലന് ചെന്നിത്തലPublished on 22 October, 2014
ഹ്യൂസ്റ്റണ് : മാര്ത്തോമ്മാ സഭയുടെ നോര്ത്ത് അമേരിക്ക യൂറോപ്പ് ഭദ്രാസനത്തില് വിവിധ പള്ളികളില് സേവനം അനുഷ്ഠിക്കുന്ന വൈദികരുടെ സമ്മേളനം നവംബര് 19 മുതല് 21 വരെ ഹ്യൂസ്റ്റണ് ട്രിനിറ്റി മാര്ത്തോമ്മാ പള്ളിയില് വെച്ചു നടത്തപ്പെടും. ഭദ്രാസന അദ്ധ്യക്ഷന് ഡോ.ഗീവര്ഗ്ഗീസ് മാര് തിയഡോഷ്യസ്, ഭദ്രാസന സെക്രട്ടറി റവറന്റ് ബിനോയ് തോമസ് എന്നിവര് വൈദിക സമ്മേളനത്തിന് നേതൃത്വം നല്കും.
മാര്ത്തോമ്മാ നോര്ത്ത് അമേരിക്കന് ഭദ്രാസന കൗണ്സിലിന്റെ ഒരു മീറ്റിംഗ് നവംബര് 21-#ാ#ം തീയ്യതി രാവിലെ 10 മുതല് ഹ്യൂസ്റ്റണ് ഇമ്മാനുവേല് മാര്ത്തോമ്മാ പള്ളിയില് വെച്ചു നടക്കും. ഭദ്രാസന പ്രവര്ത്തനങ്ങള് വിലയിരുത്തുകയും പുതിയ പരിപാടികള്ക്കും കര്മ്മ പദ്ധതികള്ക്കും കൗണ്സില് യോഗം രൂപം നല്കും. ഭദ്രാസന കൗണ്സില് അംഗങ്ങള് ഭദ്രാസന ട്രഷറര് ഫിലിപ്പ് തോമസ് എന്നിവര് ഈ യോഗത്തില് പങ്കെടുക്കും. കൂടുതല് വിവരങ്ങള്ക്ക് ഭദ്രാസന കൗണ്സില് അംഗവും മീഡിയ കമ്മറ്റി കണ്വീനറുമായ സഖറിയ കോശി 281-780-9764 ബന്ധപ്പെടേണ്ടതാണ്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല