സത്യന് സ്മാരകം ചിരകാല സ്വപ്നത്തിന്റെ സാക്ഷാത് കാരം': നടന് മധു
Published on 16 June, 2018
തിരുവനന്തപുരം: സത്യന് സ്മാരകം
നിര്മ്മിയ്ക്കുമെന്ന സര്ക്കാര് പ്രഖ്യാപനത്തെ സ്വാഗതം ചെയ്ത് നടന്
മധു.'മലയാള ചലച്ചിത്ര മേഖലയ്ക്കും സാംസ്കാരിക രംഗത്തിനും പുത്തന് ഉണര്വേകുന്ന
പദ്ധതികളും പ്രവര്ത്തനങ്ങളുമായി പോകുന്ന പിണറായി വിജയന് സര്ക്കാരിന്റെ ഈ
തീരുമാനം എന്നെ പോലുള്ളവരെ വളരെയേറെ സന്തോഷിപ്പിക്കുന്നതാണ്' അദ്ദേഹം
പ്രസ്താവനയില് പറഞ്ഞു.
പ്രസ്താവനയുടെ പൂര്ണ്ണരൂപം:
47 ാമത്
സത്യന് ചരമ വാര്ഷികാഘോഷത്തോട് അനുബന്ധിച്ച് സത്യന് ഫൌണ്ടേഷന് സംഘടിപ്പിച്ച
അനുസ്മരണ ചടങ്ങില് സാംസ്കാരിക മന്ത്രി എ കെ ബാലന് സത്യന് സാംസ്കാരിക ലോകം
എന്നും സ്മരിക്കുന്ന ഒരു സ്മാരകം ഒരുക്കുമെന്ന് പ്രഖ്യാപിക്കുകയുണ്ടായി.
ചലച്ചിത്ര അക്കാദമി കഴക്കൂട്ടം കിന്ഫ്ര പാര്ക്കില് 3 കോടി രൂപ ചിലവഴിച്ച്
നിര്മ്മിക്കുന്ന ഫിലിം ആര്ക്കൈവ്സ് & റിസര്ച്ച് സെന്ററിന് സത്യന്റെ
പേര് നല്കുമെന്നും അദ്ദേഹം പറയുകയുണ്ടായി.
വിജെടി ഹാളില് തിങ്ങിനിറഞ്ഞ
സിനിമ പ്രേമികളും സാംസ്കാരിക പ്രവര്ത്തകരും കുടുംബാംഗങ്ങളും വലിയ
ഹര്ഷാരവത്തോടെയാണ് ഈ പ്രഖ്യാപനം സ്വീകരിച്ചത്. മുഖ്യമന്ത്രിയുടെ
അംഗീകാരത്തോടെയാണ് താന് ഈ പ്രഖ്യാപനം നടത്തുന്നതെന്നും അദ്ദേഹം പറയുകയുണ്ടായി.
സാംസ്കാരിക മേഖലയോടും കലാകാരന്മാാരോടും ഈ സര്ക്കാരിനുള്ള താല്പര്യവും
പ്രതിബന്ധതയുമാണ് ഇത് വ്യക്തമാക്കുന്നത്.
എന്നെ പോലുള്ളവരുടെ ഒരു ചിരകാല
സ്വപ്നമായിരുന്നു സത്യന് ഒരു സ്മാരകം. മരിച്ച് 47 വര്ഷമായിട്ടും ആ സ്വപ്നം
സാക്ഷാത്കരിക്കാന് കഴിഞ്ഞിരുന്നില്ല. മലയാള ചലച്ചിത്ര മേഖലയ്ക്കും സാംസ്കാരിക
രംഗത്തിനും പുത്തന് ഉണര്വേകുന്ന പദ്ധതികളും പ്രവര്ത്തനങ്ങളുമായി പോകുന്ന പിണറായി
വിജയന് സര്ക്കാരിന്റെ ഈ തീരുമാനം എന്നെ പോലുള്ളവരെ വളരെയേറെ
സന്തോഷിപ്പിക്കുന്നതാണ്. പിണറായി വിജയന് സര്ക്കാര് രണ്ടാം വാര്ഷികം
ആഘോഷിക്കുന്ന ഈ ഘട്ടത്തില് സത്യന് ഉചിതമായ സ്മാരകം ഒരുക്കുവാന് ഈ സര്ക്കാര്
എടുത്ത തീരുമാനത്തെ സത്യന് ഫൌണ്ടേഷന്റെ മുഖ്യരക്ഷാധികാരി എന്ന നിലയിലും സത്യന്റെ
സഹപ്രവര്ത്തകന് എന്ന നിലയിലും ഞാന് സ്വാഗതം ചെയ്യുന്നു.
പ്രസ്താവനയില് പറഞ്ഞു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല