അഗ്നി രഥങ്ങള്
തെളിച്ചുഷസ്സിന് മുക്ത
രക്താന്പരം ചുറ്റി
യുജ്ജ്വലിപ്പാരുവാന് ?
ചക്രവാളങ്ങള്
നടുക്കി യഗ്നിച്ചാട്ട
യുജ്ജ്വല ' ജില് ജ്ജില് '
ചുഴറ്റുവ താരുവാന്?
നക്ഷത്ര വ്യൂഹങ്ങ
ളാപേക്ഷികത്തിന്റെ
തച്ചു ശാസ്ത്രത്തില്
പതിപ്പിച്ചതാരുവാന്?
നിത്യ സത്യത്തിന്റെ
യച്ചുതണ്ടില് വിശ്വ
ചക്രം തിരിച്ചു
വിലസുന്നതാരുവാന് ?
സ്വപ്നങ്ങളാം കൊച്ചു
തന്മാത്രകള് ചേര്ത്തു
സ്വച്ഛമീ ജീവിത
താളം രചിച്ചതാര് ?
അപ്പെരും സത്യമേ,
തത്ര പാദങ്ങളില്,
വച്ചു തൊഴുന്നെന്റെ
ജീവിത വിസ്മയം !
ഉത്തരം കിട്ടാത്ത നൂറു നൂറു
ചോദ്യങ്ങൾ മുന്നിലിന്നുമുണ്ടു.
ഇന്നുമുണ്ട് കണ്ടെത്താത്ത
ചെറു കണികകൾ ഒട്ടേറെ
അതിലുണ്ടൊരു മൗലീകകണം
കൂടാതെ വൈദ്യുതാധാനിമി
ല്ലാത്ത മറ്റൊരു കണം
മനുഷ്യൻ പിന്നെയും കിള്ളി -
പൊളിച്ചപ്പോൾ കണ്ടു 'ക്വാർക്സ് '
വീണ്ടും പൊളിച്ചപ്പോൾ കണ്ടു
അതിലും ഭേദങ്ങൾ പലവിധം
ഉത്തരം കിട്ടാത്ത നൂറു നൂറു
ചോദ്യങ്ങൾ മുന്നിലിന്നുമുണ്ടു.
നിങ്ങൾ തലയിൽ അടിച്ചേൽപ്പിക്കാൻ
തുനിയും, നിങ്ങൾ സൃഷിച്ച
ദൈവത്തിനതിൻ യശസ്സ്
ജീവിത സുഖങ്ങൾ ത്യജിച്ച്
മനുഷ്യനന്മയ്ക്കായി വർത്തിക്കും
ശാസ്ത്ര സമൂഹമേ
നിങ്ങൾക്കു വന്ദനം