ന്യൂഡല്‍ഹി: മുല്ലപ്പെരിയാര്‍ വിഷയം തമിഴ്നാട് രാഷ്ട്രീയവല്‍ക്കരിക്കുന്നുവെന്ന് കേരളം. അണക്കെട്ടിന് തീവ്രവാദി ഭീഷണിയുണ്ടെന്ന തമിഴ്നാടിന്‍െറ വാദത്തിന് മറുപടിയായി സുപ്രീംകോടതിയില്‍ സമര്‍പ്പിച്ച സത്യവാങ്മൂലത്തിലാണ് കേരളാ സര്‍ക്കാര്‍ ഇക്കാര്യമറിയിച്ചത്. അണക്കെട്ടിലെ സുരക്ഷ ശക്തമാക്കുന്നതിന്‍െറ ഭാഗമായി പ്രത്യേക പൊലീസ് സ്റ്റേഷന്‍ സ്ഥാപിക്കും.

ഡി.വൈ.എസ്.പിയുടെ നേതൃത്വത്തില്‍ 124 പൊലീസുകാരെ പ്രദേശത്ത് വിന്യസിക്കും. അണക്കെട്ടിന് സുരക്ഷ ഉറപ്പാക്കാന്‍ കേന്ദ്രസേനയുടെ ആവശ്യമില്ല. ഇതിന് കേരളാ പൊലീസ് പര്യാപ്തമാണെന്നും  സത്യവാങ്മൂലത്തില്‍ പറയുന്നു.