ന്യൂഡല്‍ഹി: അഴിമതി നിയന്ത്രിക്കാന്‍ കൊണ്ടുവരുന്ന ലോക്‌പാല്‍ ബില്ല്‌ സംബന്ധിച്ച ഇന്ന്‌ ചേര്‍ന്ന യോഗത്തിലും തീരുമാനമായില്ല. പ്രധാനമന്ത്രിയും ഉന്നത ജുഡീഷ്യറിയും ലോക്‌പാലിന്റെ പരിധിയില്‍ കൊണ്ടുവരിക, സമിതിയുടെ ഘടന എന്നീ വിഷയങ്ങളിലാണ്‌ തീരുമാനമാകാത്തത്‌. അന്നാ ഹസാരെയുടെ നേതൃത്വത്തിലുള്ള പൗരസമൂഹ പ്രതിനിധികളുമായി മന്ത്രി കപില്‍ സിബലിന്റെ നേതൃത്വത്തില്‍ നാളെ വീണ്‌ടും ചര്‍ച്ച നടത്താനും ഇന്നത്തെ യോഗത്തില്‍ തീരുമാനിച്ചു.