ന്യൂഡല്ഹി: 2 ജി സ്പെക്ട്രം അഴിമതിക്കേസില് സുപ്രീം കോടതി സി.ബി.ഐയ്ക്ക്
നോട്ടീസ് അയച്ചു. മുന് ടെലികോം സെക്രട്ടറി സിദ്ധാര്ത്ഥ് ബഹുറ, മുന്
ടെലികോം മന്ത്രി എ രാജയുടെ പ്രൈവറ്റ് സെക്രട്ടറി ആര്.കെ ചന്ദോലിയ
എന്നിവയുടെ ജാമ്യാപേക്ഷ പരിഗണിക്കവെയാണ് ഇത്. ജാമ്യാപേക്ഷ നിരസിച്ച ഡല്ഹി
ഹൈക്കോടതി വിധിക്കെതിരെയാണ് ചന്ദോലിയ സുപ്രീം കോടതിയെ സമീപിച്ചത്.
ജസ്റ്റിസ് ജി.എസ് സിങ്വി അധ്യക്ഷനായ ബഞ്ചാണ് സി.ബി.ഐയ്ക്ക് നോട്ടീസ്
അയച്ചത്. 2 ജി അഴിമതിക്കേസില് മുന് ടെലികോം മന്ത്രി എ. രാജയ്ക്കൊപ്പം
ഫിബ്രവരി രണ്ടിനാണ് ബഹുറയും ചന്ദോലിയയും അറസ്റ്റിലായത്. വിചാരണ കോടതി
ചന്ദോലിയയ്ക്ക് ജാമ്യം അനുവദിച്ചത് ഹൈക്കോടതി സ്റ്റേചെയ്തതിരുന്നു.
ഹൈക്കോടതിയുടെ ഇടക്കാല സ്റ്റേ സുപ്രീം കോടതി നീട്ടി.