കൂടാതെ ഇക്കാലയളില്‍ ഫോമായുടേയും അംഗസംഘടനകളുടേയും വിവിധ പ്രോഗ്രാമുകള്‍ക്കായി യൂണിവേഴ്‌സിറ്റി അന്‍പതിനായിരത്തിലേറെ($50,000/) ഡോളര്‍ സ്‌പോണ്‍സര്‍ഷിപ്പായി നല്‍കിയിട്ടുമുണ്ട്. മിക്കവാറും എല്ലാ സംഘടനകളുടെയും പരിപാടികളില്‍ യൂണിവേഴ്‌സിറ്റിയുടെ പ്രതിനിധികള്‍ പങ്കെടുപ്പിക്കുകയും, വിദ്യാര്‍ത്ഥികള്‍ക്കു പ്രയോജനകരമായ വിഷയങ്ങളെക്കുറിച്ചു ക്ലാസ്സുകളും സെമിനാറുകളും നടത്തുകയും ചെയ്യാറുണ്ട്. 

ഫോമായുടെ നേതാക്കളായ ബേബി ഊരാളില്‍, ബിനോയ് തോമസ്, ഷാജി എഡ് വേര്‍ഡ്, ബാബു തോമസ് തെക്കേക്കര എന്നിവര്‍ ജിസിയൂയുമായി ചര്‍ച്ചകള്‍ നടത്തുകയും, പദ്ധതികള്‍ക്ക് തുടക്കം കുറിക്കുകയും ചെയ്തു. പിന്നീടു വന്ന നേതാക്കളായ ജോര്‍ജ് മാത്യൂ, ഗ്ലാഡ്‌സണ്‍ വര്‍ഗീസ്, വര്‍ഗീസ് ഫിലിപ്പ് എന്നിവരുടെ നേതൃത്വത്തില്‍ കരാര്‍ ഒപ്പിട്ടു പദ്ധതി ആരംഭിക്കുകയും ചെയ്തു. ഇപ്പോള്‍ ആനന്ദന്‍ നിരവേലിന്റേയും ഷാജി എഡ്വേര്‍ഡിന്റേയും ജോയി ആന്റണിയുടേയും നേതൃത്വത്തിലുള്ള ഫോമാ കമ്മിറ്റി പൂര്‍വ്വാധികം ഭംഗിയായി മുന്നോട്ടു കൊണ്ടുപോകുന്നു.

ഫോമാ-ഗ്രാന്‍ഡ് കാന്യന്‍ യൂണിവേഴ്‌സിറ്റി സഹകരണ കരാറിന്റെ തുടക്കം മുതല്‍ അതിന്റെ കോ- ഓര്‍ഡിനേറ്റര്‍ എന്ന നിലയില്‍ ബാബു തോമസ് തെക്കേക്കര ഇതുവരെയായി രണ്ടായിരത്തിലേറെ വിദ്യാര്‍ത്ഥികളുടെ ഡിസ്‌ക്കൗണ്ട് അപേക്ഷാ ഫോറം മൂല്യനിര്‍ണ്ണയം നടത്തുകയും, ഫോണിലൂടെയും ഈമെയിലിലൂടെയും വിദ്യാര്‍ത്ഥികള്‍ക്കു വേണ്ട മാര്‍ഗ്ഗനിര്‍ദ്ദേശങ്ങള്‍ നല്‍കുകയും, അവരുടെ ഫോറങ്ങള്‍ കോപ്പിയെടുത്ത് അതാതു പ്രാദേശിക സംഘടനകളുടെ വിവരങ്ങള്‍ രേഖപ്പെടുത്തി ഒപ്പിട്ടു അവര്‍ക്ക് തിരിച്ചയക്കുകയും ചെയ്യുന്നു. ഇത്രമാത്രം ശ്രമകരമായ  ഭാരിച്ച ഉത്തരവാദിത്വം കഴിഞ്ഞ രണ്ടു വര്‍ഷമായി തികച്ചും സൗജന്യമായി, സന്തോഷത്തോടെ ചെയ്യുന്ന അദ്ദേഹത്തിന്റെ സേവന തല്‍പ്പരതയേയും സാമൂഹിക പ്രതിബദ്ധതയേയും ഫോമാ നേതൃത്വം മുക്തകണ്ടം പ്രശംസിക്കുകയുണ്ടായി. 

ഈ പ്രോഗ്രാമിനേക്കുറിച്ചുള്ള കൂടുതല്‍ വിവരങ്ങള്‍ക്ക്

ബാബു തോമസ്- 410 740 0171

വിനോദ് കൊണ്ടൂര്‍ ഡേവിഡ്, ഫോമാ ന്യൂസ് ടീം ചെയര്‍മാന്‍