മഞ്ജു വാര്യര് തമിഴിലേക്ക്; ചിത്രീകരണം ഓഗസ്റ്റില്
Published on 29 January, 2015
മലയാളത്തിലെ സൂപ്പര് നായിക മഞ്ജു വാര്യര് തമിഴ് സിനിമയില് അഭിനയിക്കുന്നു.
സൂപ്പര് താരം സൂര്യയുടെ ചിത്രത്തിലാണ് നടി ഏറെ അഭിനയ പ്രധാന്യമുള്ള
വേഷത്തിലെത്തുന്നത്. ചിത്രത്തിന്റെ ഷൂട്ടിംഗ് ആഗസ്റ്റില് ഷൂട്ടിംഗ് ആരംഭിക്കും.
ഈ സിനിമയുടെ സംവിധായകനായി മുരുഗദോസിന്റെ പേരാണ് ഇപ്പോള് ഉയര്ന്നു
കേള്ക്കുന്നത്. സിനിമയെ കുറിച്ചുള്ള എല്ലാ വിവരവും അതീവരഹസ്യമായാണ്
സൂക്ഷിക്കുന്നത്. വിഷുവിനുശേഷം ഔദ്യോഗികമായി പ്രഖ്യാപിച്ചേക്കും.
പതിന്നാലു വര്ഷത്തെ ഇടവേളയ്ക്കുശേഷം ഹൗ ഓള്ഡ് ആര് യുവിലൂടെയാണ്
മഞ്ജുവാര്യര് അഭിനയരംഗത്തേക്ക് എത്തിയത്. ഈ സിനിമയുടെ തമിഴ്പതിപ്പ് ഇപ്പോള്
ഒരുങ്ങുകയാണ്. മഞ്ജു വാര്യര് അവതരിപ്പിച്ച കഥാപാത്രമായി തമിഴില് സൂര്യയുടെ
ഭാര്യ ജ്യോതികയാണ് എത്തുക. തെലുങ്ക് പതിപ്പിലും ജ്യോതികയാണ് നായിക.
സത്യന് അന്തിക്കാടിന്റെ പേരിടാത്ത ചിത്രത്തിലാണ് മഞ്ജു ഇപ്പോള്
അഭിനയിക്കുന്നത് മോഹന്ലാല് ആണ് നായകന്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല