തന്നെ പിടികൂടിയത് വേശ്യാവൃത്തി ആരോപിച്ചല്ലെന്ന് ശ്വേതാ ബസു
Published on 04 November, 2014
ഹൈദരാബാദ്: തന്നെ ഹോട്ടലില് നിന്നും പിടികൂടിയത് വേശ്യാവൃത്തി ആരോപിച്ചല്ലെന്ന്
നടി ശ്വേതാ ബസു പറഞ്ഞു. ഒരു അവാര്ഡ് ദാന ചടങ്ങിനായാണ് ഹൈദരാബാദിലെത്തിയത്.
തിരിച്ചു പോകാനുള്ള ഫ് ളൈറ്റ് മിസ്സായതിനാല് പരിപാടിയുടെ സംഘാടകര് തന്നെയാണ്
ഹോട്ടല് മുറി ഏര്പ്പാടാക്കിയത്. എന്നാല് അതേ ഹോട്ടലില് റെയ്ഡ് നടത്തി
തന്നെയടക്കമുള്ളവരെ വേശ്യാവൃത്തിയെന്ന പേരില് അറസ്റ്റ് ചെയ്യുകയായിരുന്നെന്ന്
ശ്വേത അഭിമുഖത്തില് അറിയിച്ചു.
താന് പോലീസിനോടോ മാധ്യമ പ്രവര്ത്തകരോടോ
അത്തരം ഒരു കാര്യം പറഞ്ഞിരുന്നില്ല. വ്യാജ വാര്ത്ത പ്രസിദ്ധീകരിച്ചത് ആരാണെന്ന്
തനിക്ക് വ്യക്തതയില്ലെന്ന് ശ്വേത വ്യക്തമാക്കി.
പോലീസ് കസ്റ്റഡിയില്
മാതാപിതാക്കളെ പോലും കാണാന് കഴിയാതിരുന്ന താന് എങ്ങിനെയാണ് മാധ്യമ
പ്രവര്ത്തകനോട് സംസാരിക്കുകയെന്ന് ശ്വേത ചോദിക്കുന്നു. സിനിമ തനിക്ക് നല്ലതു
മാത്രമാണ് നല്കിയത്. സിനിമയാണ് തന്നെ നശിപ്പിച്ചതെന്ന വാര്ത്ത തെറ്റാണെന്നും
അവര് പറഞ്ഞു. സിനിമയില് സജീവമല്ലാത്ത താന് മൂന്ന് വര്ഷമായി ഹിന്ദുസ്ഥാനി
ക്ലാസിക്കല് സംഗീതത്തെ കുറിച്ചുള്ള ഡോക്യുമെന്ററി ജോലികളിലാണെന്ന് അവര്
വ്യക്തമാക്കി.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല