തേനി (തമിഴ്‌നാട്‌): മുല്ലപ്പെരിയാര്‍ വിഷയത്തില്‍ തമിഴ്‌നാട്ടിലെ കമ്പത്ത്‌ മലയാളികള്‍ നടത്തുന്ന സ്ഥാപനങ്ങള്‍ക്കു നേരേ ആക്രമണം. ഇവിടെ മലയാളികള്‍ നടത്തുന്ന ഒരു ഹോട്ടലും മറ്റ്‌ രണ്ടു സ്ഥാപനങ്ങളും അടിച്ചു തകര്‍ത്തു. കേരളത്തില്‍നിന്ന്‌ പഴനിയിലേക്ക്‌ പോയ സ്‌ത്രീകളടക്കമുള്ള തീര്‍ഥാടകസംഘത്തിന്റെ വാഹനത്തിനുനേരേയും ആക്രമണമുണ്ടായി. മലയാളികളുടെ രണ്ട്‌ ലോറികളും അക്രമി സംഘം നശിപ്പിച്ചു.

കുമളിയില്‍ ജോലിക്കുവന്ന തമിഴ്‌നാട്ടുകാര്‍ക്കുനേരേ ആക്രമണമുണ്ടായതായി അഭ്യൂഹം പരന്നതിനെത്തുടര്‍ന്നാണ്‌ മലയാളികള്‍ക്കുനേരേ കമ്പത്ത്‌ ആക്രമണമുണ്ടായത്‌.