മകളുടെ സീറ്റ് വേണ്ടെന്നു വെച്ചു: മന്ത്രി അടൂര്‍ പ്രകാശ്

തിരുവനന്തപുരം: തന്റെ മകള്‍ക്ക് കണ്ണൂര്‍ പരിയാരം മെഡിക്കല്‍ കോളേജില്‍ ലഭിച്ച സീറ്റ് വേണ്ടെന്ന് വെച്ചതായി ആരോഗ്യമന്ത്രി അടൂര്‍ പ്രകാശ് വാര്‍ത്താസമ്മേളനത്തില്‍ അറിയിച്ചു. എം.ഡി അഡ്മിഷന് നിയമാനുസൃതം ലഭിച്ച അഡ്മിഷന്‍ ചില മാധ്യമങ്ങള്‍ തനിക്കെതിരെ വ്യക്തിഹത്യ നടത്താനും തെറ്റിദ്ധാരണ പരത്താനും ഉപയോഗപ്പെടുത്തുന്നതിനാലുമാണ് ഈ തീരുമാനമെടുത്തത്. താന് മന്ത്രിയോ എം.എല്‍.എയോ ആകുന്നതിന് മുന്‍പാണ് മകള്‍ക്ക് അഡ്മിഷന്‍ കിട്ടിയത്. മന്ത്രി എന്നനിലയില്‍ യാതൊരു സ്വാധീനവും ചെലുത്തിയിട്ടില്ല. മെയ് നാലിനാണ് മകള്‍ക്ക് അഡ്മിഷന്‍ ലഭിക്കുന്നത്. അന്ന് നിയമസഭാ തെരഞ്ഞെടുപ്പു ഫലം പുറത്തുവന്നിട്ടില്ല. താന്‍ മന്ത്രിയാകുമെന്ന് അക്കാലത്ത് വിചാരിച്ചിട്ടുപോലുമില്ലെന്നും മന്ത്രി അറിയിച്ചു.