ലഖ്‌നൗവില്‍ വാഹനാപകടം: ഏഴു മരണം

ലഖ്‌നൗ: നിയന്ത്രണംവിട്ട കാര്‍ പോലീസ് ഔട്ട് പോസ്റ്റില്‍ ഇടിച്ചുമറിഞ്ഞ് ഒരു കുടുംബത്തിലെ ഏഴുപേര്‍ മരിച്ചു. മാവു ജില്ലയില്‍ ബുധനാഴ്ച വെളുപ്പിനാണ് അപകടമുണ്ടായത്. മരിച്ചവരെല്ലാം കാര്‍യാത്രക്കാരാണ്. അമിതവേഗതയിലായിരുന്ന വാഹനം ഔട്ട് പോസ്റ്റ് തകര്‍ത്ത് റോഡരികില്‍ മറിയുകയായിരുന്നു. മരിച്ചവരെല്ലാം ബലിയ ജില്ലയില്‍ നിന്നുള്ളവരാണ്.