മറക്കുമോ നീയെന്നെ
ഓര്‍ക്കുമോ വല്ലപ്പോഴും
മനസ്സ് മൗനമായ് മന്ത്രിച്ചതില്‍
മാറ്റൊലികേട്ടെന്‍ ഹൃദയം
കടമകള്‍ കൂച്ചു വിലങ്ങിട്ട
ജീവിത പ്രാരാബ്ധത്തിലേയ്ക്ക്
ഒരു ചുമടു താണ്ടിയായ് വരുവാന്‍
ക്ഷണിക്കാനായില്ലെനിക്കന്ന്
അറിയാതീറനണിഞ്ഞ മിഴിനീര്‍
മറക്കപ്പുറം ഒരു നിഴലായ് നീ
മറഞ്ഞുപോകവേ , ശാപമോക്ഷം
കൊതിച്ചൊരു ശിലയായ് മാറി ഞാന്‍
ജീവിത നൗക തുഴഞ്ഞു ഞാന്‍
പലതീരങ്ങളിലടിഞ്ഞെങ്കിലും
തുണപോയ, തുഴപോയ
തുളവീണ മരത്തോണി
മുറിവേറ്റ മനസ്സില്‍ നിന്നിറ്റിറ്റു
വീഴുന്ന ചുടു ചോരയില്‍
നൊമ്പരത്തിന്‍ മുന മുക്കി
മരിച്ച പ്രണയങ്ങളുടെ
ശവകുടീരത്തില്‍ എഴുതട്ടെ
ഞാനൊരു ചരമക്കുറിപ്പ് ! ! !