ഹൈദരാബാദ്: ഇന്ത്യ അഗ്നി-നാല് മിസൈല്‍ വിജയകരമായി പരീക്ഷിച്ചു. ഒറീസ തീരത്തെ വീലര്‍ ദ്വീപില്‍ നിന്നായിരുന്നു പരീക്ഷണം. 3000 കിലോമീറ്റര്‍ ദൂരപരിധിയുളള ആണവ വാഹക ശേഷിയുള്ള മിസൈലാണിത്.

അഗ്നി-2 പ്രൈം എന്ന് പേരിട്ടിരുന്ന മിസൈല്‍ പിന്നീട് അഗ്നി നാല് എന്ന് പുനര്‍ നാമകരണം ചെയ്യുകയായിരുന്നു. മികച്ച ദൂരപരിധി ലഭിക്കാന്‍ വേണ്ടി മിസൈലിലെ ആയുധവാഹകശേഷി 1000 കിലോയില്‍ നിന്ന് 800 കിലോയാക്കി കുറച്ചിരുന്നു.