ഫിലാഡല്ഫിയ: ഫിലാഡല്ഫിയയില് താമസിച്ചുകൊണ്ട് സുവിശേഷ പ്രവര്ത്തനത്തില്
വ്യാപൃതനായിരുന്ന പാസ്റ്റര് ഒ.സി. ബേബി (ഓതറ ബേബിച്ചന്) നവംബര് 13-ന് ഞായറാഴ്ച
രാവിലെ 10.30-ന് ആരാധനയില് പ്രാര്ത്ഥിച്ചുകൊണ്ടിരിക്കുമ്പോള്
ഹൃദയാഘാതത്തെത്തുടര്ന്ന് താന് പ്രിയംവെച്ചിരുന്ന കതൃസന്നിധിയിലേക്ക്
ചേര്ക്കപ്പെട്ടു.
ഓതറ വാഴുവേലി മലയില് ഒ.സി ചാക്കോ, മറിയാമ്മ ദമ്പതികളുടെ
മകനായി 1940-ല് ജനിച്ചു. ജോലിയോടുള്ള ബന്ധത്തില് 1961 മുതല് 1975 വരെ
നാഗാലാന്റിലും തുടര്ന്ന് 2001 വരെ അബുദാബിയിലും താമസിച്ച്
പ്രവര്ത്തിച്ചുപോന്നു. അബുദാബി ഐ.പി.സിയില് ദീര്ഘകാലം സഹശുശ്രൂഷകനായിരുന്നു.
തുടര്ന്നുള്ളകാലങ്ങളില് ഫിലാഡല്ഫിയയില് മക്കളോടൊപ്പം പാര്ത്തുകൊണ്ട് വിവിധ
പട്ടണങ്ങളില് സുവിശേഷ പ്രവര്ത്തനം ചെയ്യവേയാണ് അന്ത്യം സംഭവിച്ചത്.
ഭാര്യ: റോസമ്മ ബേബി. മക്കള്: ബ്ലസി, ബെറ്റി, ബിജോയി, ബിന്സി.
ജാമാതാക്കള്: സാം ജോണ് (ഫിലാഡല്ഫിയ), അജിത്ത് ഈപ്പന് (കേരളാ എക്സ്പ്രസ്,
ഷിക്കാഗോ), ബറ്റ്സി (ഫിലാഡല്ഫിയ), ജോര്ജ് മാത്യു (കേരളം). ഏഴ്
കൊച്ചുമക്കളുമുണ്ട്.
നവംബര് 16-ന് ബുധനാഴ്ച വൈകിട്ട് 6 മണി മുതല്
2605 വെല്ഷ് റോഡിലുള്ള എബനേസര് ദൈവസഭാ ഓഡിറ്റോറിയത്തില് നടക്കുന്ന
പൊതുദര്ശനത്തിനുശേഷം ഓതറയിലേക്കു കൊണ്ടുപോകുന്നതും സ്വഭവനമായ ഓതറ പെനിയേല്
ഗ്രേസ് കോട്ടേജില് പൊതുദര്ശനവും തുടര്ന്ന് സംസ്കാര ശുശ്രൂഷയും
നടത്തപ്പെടുന്നതാണ്.