Image

ശ്രീരാഗം ഷോ 2014 ബഹു: കേരളാ മുഖ്യമന്ത്രി ശ്രീ. ഉമ്മന്‍ ചാണ്ടി ഉത്ഘാടനം ചെയ്യും

ജോണ്‍ ജോര്‍ജ്, ലാസ് വേഗസ് Published on 09 February, 2014
ശ്രീരാഗം ഷോ 2014 ബഹു: കേരളാ മുഖ്യമന്ത്രി ശ്രീ. ഉമ്മന്‍ ചാണ്ടി ഉത്ഘാടനം ചെയ്യും
മലയാളികളുടെ പ്രിയപ്പെട്ട ഗായകന്‍ ശ്രീ. എം.ജി. ശ്രീകുമാറിന്റെ നാമധേയത്തില്‍, കലാസ്വാദകരായ ഒരുകൂട്ടം ആളുകള്‍ ചേര്‍ന്നു രൂപപ്പെടുത്തിയ ഒരു നവസംരംഭമാണു എം.ജെ. ശ്രീകുമാര്‍ ചാരിറ്റബിള്‍ സൊസൈറ്റി. ഈ സംഘടനയുടെ പ്രവര്‍ത്തനോത്ഘാടനം ഫെബ്രുവരി 11 നു ചൊവ്വാഴ്ച വൈകുന്നേരം തിരുവനന്തപുരം സെനറ്റ് ഹാളില്‍ വച്ച് ബഹു: കേരളാ മുഖ്യമന്ത്രി ശ്രീ. ഉമ്മന്‍ ചാണ്ടി നിര്‍വ്വഹിക്കുന്നതാണ്.

കലാസാംസ്‌കാരികരംഗത്ത് സാമ്പത്തിക ക്ലേശങ്ങള്‍ നേരിടുന്നവരുടെ ഉന്നമനത്തിനായും ജീവിതത്തിന്റെ നാനാ തുറകളില്‍ പലവിധ ബുദ്ധിമുട്ടുകള്‍ അനുഭവിക്കുന്നവര്‍ക്കും, നമ്മുടെ സമൂഹത്തില്‍ ആലംബഹീനരായവര്‍ക്കും പ്രതീക്ഷയുടെ ഒരു കൈത്തിരിനാളം കൊളുത്തുകയാണു ഫ്രെബ്രുവരി 11 നു ചൊവ്വാഴ്ച വൈകീട്ട് 6 മണിക്കു ബഹു: കേരളാ മുഖ്യമന്ത്രി ശ്രീ. ഉമ്മന്‍ചാണ്ടി. ഉത്ഘാടന ചടങ്ങുകളോടനുബന്ധിച്ച് സംഗീത, നൃത്ത, നര്‍മ്മ വിനോദങ്ങള്‍ കൊണ്ടു വര്‍ണ്ണാഭമായ ഒരു കലാസന്ധ്യയും നടത്തപ്പെടുന്നതാണ്. ശ്രീ.എം.ജി. ശ്രീകുമാറിന്റെ നേതൃത്വത്തില്‍ മധു ബാലകൃഷ്ണന്‍, റിമി ടോമി, തുടങ്ങിയ പ്രമുഖഗായകരുടെ ഗാനമേളയും കോമഡി എക്‌സ്പ്രസ് ടീമിന്റെ കോമഡി ഷോ, പ്രശസ്ത നടി ഷംന കാസിമും സംഘവും അവതരിപ്പിക്കുന്ന നൃത്തവും ആഷികും ടീമും ഒരുക്കുന്ന ആക്ഷന്‍ ഡാന്‍സുമൊക്കെ ഈ വിസ്മയ സന്ധ്യയിലെ പ്രധാന ആകര്‍ഷണങ്ങളാണ്.

മന്ത്രിമാര്‍, കലാസാംസ്‌കാരിക രംഗത്തെ പ്രമുഖര്‍, മാധ്യമ പ്രവര്‍ത്തകര്‍ തുടങ്ങിയവര്‍ പങ്കെടുക്കുന്ന ചടങ്ങില്‍ സഹൃദയരായ അനേകം പ്രവാസീമലയാളികളുടെ സാന്നിദ്ധ്യ സഹകരണങ്ങളും ഇതിന്റെ സംഘാടകര്‍ പ്രതീക്ഷിക്കുന്നുണ്ട്. സൊസൈറ്റിയുടെ പ്രവര്‍ത്തനം സുഗമമാക്കുവാന്‍ സംഭാവനകള്‍ അയക്കുവാന്‍ താല്‍പര്യപ്പെടുന്നവര്‍ താഴെപ്പറയുന്ന വിവരങ്ങള്‍ പ്രയോജനപ്പെടുത്തുക.

MG SREEKUMAR CHARITABLE SOCIETY
REG.NO.TVM/TC/727/2013
IDBI BANK ACCT # 0046104000207232
VAZHUTHACADU BRANCH, TVM
IFS CODE : IBKL0000046

ശ്രീരാഗം ഷോ 2014 ബഹു: കേരളാ മുഖ്യമന്ത്രി ശ്രീ. ഉമ്മന്‍ ചാണ്ടി ഉത്ഘാടനം ചെയ്യും
Join WhatsApp News
John George 2014-02-10 06:42:23
I would like to attend the Ragam show.How to get the ticket?
john george.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക